Спорт
ПСЖ вечерва може да влезе во историјата на ЛШ

Францускиот шампион ПСЖ вечерва има можност да стане првата екипа во историјата на фудбалската Лига на шампиони кој ја осигурал нокаут фазата по само три натпревари од групната фаза.
По две кола парискиот клуб се наоѓа на чело на својата група со 6 бода, 2 победи против Галатасарај и Реал Мадрид, а вечерва гостуваат во Брисел, кај белгискиот шампион Клуб Бриж.
Доколку ПСЖ триумфира, а во Истанбул Галатасарај и Реал Мадрид одиграат нерешено, ПСЖ уште по третото коло би осигурал нокаут фаза.
Во тој случај, „светците“ би биле на врвот на табелата со 9 бода, а останатите три екипи би имало по само 2 бода.
Со оглед на тоа дека ќе останат уште три кола од групната фаза, невозможно е два клуба на крајот да завршат на табелата пред францускиот шампион.
Двата вечерашни дуели започнуваат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Фудбалери на Ваљадолид за малку ќе се степаа на клупата

Фрустрацијата во Ваљадолид, последнопласираната екипа во шпанската Ла Лига, расте како што се наближува денот кога и формално ќе се преселат во Сегунда.
Тимот од градот со околу 300.000 жители беше убедливо поразен на својот стадион од Хетафе во 30. коло во неделата со резултат 4:0.
Дека на клубот не му оди покажа и деталот од клупата за резервните играчи. Двајца играчи се скараа и дури сакаа и физички да се пресметаат, а подебелиот крај го извлече Хуанми Латаса, кој беше заменет по половина час игра.
Инаку сопственик на Ваљадолид е легендарниот Бразилец, Роналдо.
Mululu a punto de cascarle una ostia a Latasa en el banquillo hoy contra el Getafe. Este club se va a la deriva pic.twitter.com/R9d30vWDVq
— lazo (@goldelazo3) April 6, 2025
Спорт
(Видео) Дербито на Олимпико Рома-Јувентус заврши без победник

Фудбалерите на Рома и Јувентус одиграа нерешено 1:1 (0:1) во дербито од 31. коло на италијанската Серија А.
Гостите од Торино подобро го започна мечот на Олимпискиот стадион во Рим, а таквиот пристап вроди со плод во самиот финиш на првото полувреме, кога Мануел Локатели донесе водство во 40. минута.
Домашната публика не чекаше долго за израмнување, бидејќи по само четири минути игра во вториот дел Рома постигна гол. Се играше 49. минута кога Елдор Шомуродов постигна гол за 1:1.
Јувентус сега има 56 бодови и го дели четвртото место со Болоња, која во понеделник го пречекува Наполи.
Тимот на Калоди Раниери е седми со 53 бода, помеѓу Лацио е 55, осмопласираната Фиорентина има 52 бода.
Спорт
(Видео) Овечкин го урна рекордот на Грецки

Рускиот хокеар Алекс Овечкин стана најдобар стрелец во историјата на НХЛ.
Овечкин го постигна својот 895 гол, на вечната листа го престигна легендарниот Вејн Грецки за еден гол, во исто толку одиграни натпревари (1.487).
Овечкин го постигна својот 895-ти гол во кариерата на натпреварот меѓу Вашингтон Капиталси Њујорк Ајландерс.
Грецки го држеше рекордот од 1999 година, а во моментот кога Русинот го собори својот рекорд беше на трибините и тој момент го следеше во живо.
Откако Овечкин го собори рекордот, играта беше прекината поради кратка церемонија, а Грецки му честиташе и одржа мал говор.
Овечкин ја започна сезоната со 853 гола, постигна 15 на првите 18 натпревари, но во ноември заработи повреда поради која мораше да пропушти дури пет недели.
Тој веќе достигна 30 гола сезоната (33), по 19. пат во неговите 20 сезони во НХЛ, постигнува најмалку 30 гола. Тој е четвртиот играч на возраст од 39 или повеќе години кој постигнал 30+ голови во една сезона.
ALEX OVECHKIN IS THE GREATEST GOALSCORER IN NHL HISTORY! 🚨🚨🚨 #Gr8ness pic.twitter.com/NKef3VvNaJ
— NHL (@NHL) April 6, 2025