Реал Мадрид не успеа на „ЛЕ Садар“ да ја победи Осасуна во 24.коло во Примера. Натпреварот во Памплона заврши без победник 1:1 (0:1). Реал од 39 минута играше со фудбалер помалку, Џуд Белингем доби црвен каротн поради приговор.

Реал испушти два бода во борбата за шампионската титула, а по мечот на „Ел Садар“ повоторно ќе работата медиумите на „кралскиот клуб“.

Тимот на Карло Анчелоти добро го отвори натпреварот, Килијан Мбапе го совлада Ерера. За францускиот репрезентативец ова беше 11 гол на последните 10 натпревари.

Реал контролираше на теренот се до 39.минута. Долго Белнгем зборуваше во правец на дусијата Хосе Мунуера Монтеро, а овој му покажа црвен картон.

O árbitro simplesmente expulsou o Bellingham do NADA

QUE PORRA FOI ESSA,

pic.twitter.com/uyJY5ifaG8

— REAL MIL GRAU (@realmilgrauu) February 15, 2025

Конечниот резултат го постави Будимир од пенал, откако Камавинга направи прекршок врз него во 58.минута.

„Се случи „грабеж“ на Ел Садар, нема друго име за тоа. Реал Мадрид е сериозно оштетен од Мунуера Монтеро, кој донесе многу контроверзни одлуки. Имено, судијата, стар познаник на „белите“, не сакаше да досуди три чисти пенали во корист на Реал Мадрид и реши да го исфрли Белингам. Бесот беше толку голем што и Карло Анчелоти експлодира во една ситуација. Доби жолт картон поради честите приговори. Во еден момент му рече на судијата: „Тоа беше чист пенал“, но судијата одговори: „Проверуваа со ВАР и нема ништо сомнително“, пишува „Дифенса сентрал“, медиум задолжен да ги следи случувањата во Реал Мадрид.

Фудбалерите на Манчестер сити убедливо со 4-0 го совладаа Њукасл во дербито од 25. коло на Премиер лигата.

Јунак на победата на „граѓаните“, играчот платен 75 милиони евра во јануарскиот преоден рок, Омар Мармуш, кој постигна хет трик.

Во периодот од 19. до 33. минута Египјанецот три пати ја погоди мрежата на „страчките“ и ги реши сите дилеми околку конечниот победник.

Од трите што ги постигна, најмногу се издвојува неговиот прв гол за тимот на Пеп Гвардиола во два потега. Голманот Едерсон му асистираше, а Мармуш го лобуваше голманот на Њукасл.

Последниот гол го постигна Џејмс Мекати, на асистенција на Ерлинг Халанд.

Норвежанецот се повреди во финишот на мечот кога без претходно да има контакт со противнички играч се фати за коленото.

Со овие три бода Сити стигна до четвртото место, додека Њукасл падна на седмото место.

Резултати:

Фулам – Нотингем Форест 2:1 (1:1)
/Смит Роу 15, Бејси 62 – Вуд 37/

Саутемптон – Бурнемаут 1:3 (0:2)
/Сулеман 72 – Утар 14, Кристи 16, Таверние 83/

Вест Хем – Брентфорд 0:1 (0:1)
/Шаде 4/

Карлос Саинц, поранешниот возач на Ферари, од оваа сезона возач на Вилијамс, изјави дека Луис Хамилтон ќе има одлични шанси со италијанскиот тим да ја освои шампионската титула во Формула 1.

По 11 години минати во Мерцедес, Британецот се пресели во Ферари, каде оваа сезона ќе вози покрај Шарл Леклер. Хамилтон во италијанскиот тим дојде на местото на Саинц.

„Кога го напуштив Ферари, Шарл веќе беше на потребното ниво за да ја освои титулата. Сега кога Луис е тука, шансите на Ферари се уште поголеми. Кога ќе погледнам што направи Луис во последните години, морам да заклучам дека ќе има големи шанси да освои уште еден трофеј. Сепак, многу работи ќе влијаат на конечниот исход, пред се начинот на кој ќе се вклопи во новиот тим“, изјави Саинц.

Хамилтон моментално е изедначен со Михаел Шумахер по бројот на освоени титули. И двајцата имаат седум и уште една триумфална сезона би го оставила британскиот возач сам на врвот.