Регион
Несогласувања меѓу Русија и САД за Косово на заседанието на УНЕСКО
Кандидатурата на Косово за членство во УНЕСКО, за што земјите членки ќе гласаат во понеделник, предизвика во петокот на трибината на Обединетите нации несогласувања меѓу рускиот министер за надворешни работи Сергеј Лавров и вториот човек на американската дипломатија Ентони Блинкен.
„Неприфатливо е какво и да е политизирање на културните врски“, изјави шефот на руската дипломатија Сергеј Лавров на заседанието на Генералното собрание на УНЕСКО на коешто од вторникот учествуваат 195 држави членки на оваа организација.
„Некои наши колеги се обидуваат со сите средства да го покренат приемот на Косово со очигледно кршење на Резолуцијата 1244 на Советот за безбедност на Обединетите народ“, изјавил Лавров оценувајќи дека станува збор за „многу опасна“ процедура.
Резолуцијата 1244 ги одреди начини завршување на судирот на поранешната српска покраина. Таа предвидуваше „значителна автономија“ на покраината во поранешната Сојузна Република Југославија (Србија и Црна Гора) и во таа резолуција не се споменуваше можноста за нејзина независност.
Меѓутоа, албанските власти во Приштина еднострано прогласија независност во 2008 година, со поддршка на САД и главните членки на Европската унија, и досега е признаена од стотина земји.
Заменикот на американскиот државен секретар Ентони Блинкен, чија земја го повлече спонзорирањето на УНЕСКО поради приемот во членство на Палестина на што се спротистави нејзиниот сојузник Израел, изјавил во петокот во Париз дека тоа прашање не е поврзано со прашањето на кандидатурата за УНЕСО:
„Постои пат на пристапување на Косово на организацијата, пат кој не го блокира Резолуцијата 1244“, рекол Блинкен на конференцијата во Париз неколку часови по Лавров, забележува AFP
„Не станува збор за признавање. Земјите коишто не го признаваат Косово или специјализираните агенции како Светската банка и Меѓународниот монетарен фонд (ММФ) ја поддржуваат неговата кандидатура“, рекол американскиот дипломат.
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.