Спорт
Ковач за „хеви-метал“ фудбалот на Клоп: Не возиш 200 на час ако колата ти оди само до 100
Тренерот на Баерн Минхен, Нико Ковач признава дека неговиот тим не може да игра со ист стил како Ливерпул, бидејќи едноставно нема компатибилен тим за таква игра.
Баерн се втори во Бундеслигата по 9 кола, со поен заостанување зад Борусија Менхенгладбах, додека Ливерпул се на првото место во Премиер лигата со 9 победи и 1 реми во 10 меча. Затоа кога беше запрашан зошто тој не го „копира“ Јирген Клоп со стилот на игра (таканаречен „хеви метал фудбал“), тренерот беше искрен.
„Ливерпул против Тотенхем уште еднаш покажа дека ја заслужува титулата од ЛШ, но за да играш така, треба да имаш таков тип на играчи. Ние мораме да се прилагодиме на тоа што го имаме. Не можеш да одиш 200 км/ч на Аутобан ако колата ти оди само до 100. Ние имаме различен тип на фудбалери и мораме да најдеме начин да бидеме подобри“, вели Ковач.
Хрватот е втора сезона на клупата на Баварците, додека Клоп е со Ливерпул од 2015 година и Ковач тука гледа голема разлика.
„За што зборуваме? За континуитет. За време. Кое очигледно веќе не постои во фудбалот“, додава Ковач.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонија главната фаза ја отвора утре против Австрија
Фото/ facebook.com/rfmofficial
Ракометната репрезентација на Македонија од третата позиција во Д групата избори пласман во главната фаза на 29. Светско првенство. Победа, реми и пораз е учинокот на македонските ракометари во групата во која беа Унгарија, Холандија и Гвинеја.
Групата Д, во главната фаза ќе вкрсти со групата Ц, која со максимални три победи ја освои Франција. две победи и пораз забележа Австрија, победа и два порази оставри Катар, а без победа првата фаза ја заврши Кувајт.
Во новоформираната група Франција ќе стартува со четири бода, Унгарија со три, Австрија и Холандија со два, Македонија со еден, а Катар без ниту еден бод.
Светската ракометна федерација (ИХФ) го одреди термините во кои ќе се играат натпреварите во Вараждин.
Македонија утре од 15.30 часот ќе игра против Австрија, во истиот термин в четврток прптивник на ракометарите ќе им биде Катар, а оваа фаза ќе ја затворат в сабота од 20.30 часот, против најголемиот фаворит во групата, Франција.
Спорт
(Видео) Како Сидорф ги опиша своите колеги со еден збор?
Легендарниот Кларенс Сидорф, освојувач на Лигата на шампионите со три различни клуба, доби задача да ги опише ѕвездите на европскиот фудбал со еден збор додека гостуваше на Би-би-си.
Сидорф играше за Ајакс, Реал Мадрид, Интер, Милан, а беше соиграч и противник на многу големи имиња.
Вака ги опиша:
Роналдињо – уживање, радост
Кака – напредок
Кристијано Роналдо – голови
Златан Ибрахимовиќ – таеквондо
Килијан Мбапе – брзина
Џуд Белингем – личност
Кларенс Сидорф – љубител на фудбалот
Роберто Карлос – цимер
Clarence Seedorf gives his one word descriptions of some of the #UCL stars. 👌 pic.twitter.com/fxRq5AvIcK
— BBC Sport (@BBCSport) January 20, 2025
Спорт
Порто го отпушти тренерот, навивачите славеа пред „Драгао“
Португалскиот великан Порто соопшти дека клубот ја прекинал соработката со досегашниот тренер Бруно Витор.
Порто е првиот тим на Бруно во кариерата, а за тренер беше назначен во јуни. Неодамна во декември беше прогласен за најдобар тренер во португалската лига, откако неговиот тим забележа четири победи и едно реми.
Порто ги загуби последните три натпревари. Прво беа поразени од Спортинг во полуфиналето на Лига купот на 7 јануари, а потоа загубија два последователни натпревари во португалската лига. Порто се наоѓа на третото место на табелата со 40 бодови.
По шест одиграни натпревари, Порто се наоѓа на 18. место на табелата во Лига Европа со осум бодови.
Португалските медиуми пишуваат дека тренерот ја немал поддршката од играчите, а еден од предводниците на бунтот бил ветеранот Пепе, кој одбивал да игра под палката на Витор.
„Пепе не е опција бидејќи тој така сака. Тој повеќе сака да игра видео игри. Има некои кои го сакаат тука, други не го сакаат толку многу”, изјави неодамна тренерот, Бруно Витор.
Стоперот наводно не го гледал мечот против Жил Висенте, преку стриминг платформата „Face It“ било утврдено дека тој во тој момент ја играл популарната видео игра „Кантер Страјк“.
Пеп ова го демантираше на социјалните мрежи, посочувајќи дека мечот го гледал со семејството.
Навивачите со факели пред „Драгао“ стадионот го прославија отказот на Витор. Хорхе Коста треба да биде новиот тренер на Порто.