Познатиот по скандали контроверзниот берлински политичар, пратеник во покраинскиот парламент на германската престолнина Берлина од Пиратската партија, Гервалд Клаус-Брунер, се убиле во својот стан, откако силувал и убил маж, објави во вторникот во своето интернет издание магазинот Bild повикувајќи се на правосудни извори.

Според весникот, безживотните тела на двајцата мажи биле пронајдени во понеделникот, ден по неделните избори за Сенатот на градот – сојузна покраина Берлин, на коишто Пиратите освоија доживеаја голем неуспех освојувајќи само 1,7 отсто од гласовите, со што не го минаа изборниот праг за добивање мандати.

Засега берлинската полиција не објавува поединости од инцидентот. Се очекува дека официјално соопштение ќе биде објавено подоцна во вторникот или во средата претпладне.

Четириесет и четиригодишниот Клаус-Брунер се истакнуваше меѓу своите сопартијци со огромниот раст и по навиката да носи шамија на главата.

Од партијата, по неговата смрт којашто правосудните органи прелиминарно ја квалификувале како самоубиство, соопштија дека тој бил болен од неизлечива болест, од која страдале повеќе органи и оти му престанувале најмногу две години живот. Меѓутоа, и оваа информација се смета за контроверзна или измислена.

Соговорници на Bild, исто така, рекле дека политичарот требало да биде подвргнат на психолошки третман и оти тие добиле допис од него од кој се заклучувало „дека тој повеќе не жив“.

Весникот пишува дека неговата жртва била 29-годишен поранешен негов соработник, а од електронската комуникација иследниците дознале дека меѓу нив била договорена неформална средба.

Според првичните наоди, жртвата била убиена неколку дена порано во нејзиниот стан, а била принајдена соблечена, врзана со кабли и силувана, а потоа пренесена во станот на политичарот./крај/мф/сн

Извор: Bild