Раџа Наинголан неодамна беше приведен под сомнение за вмешаност во трговија со дрога во Белгија. Поранешниот репрезентативец на Белгија, откако беше пуштен да се брани од слобода, а веднаш по излегувањето од притвор се врати на фудбалските активности во Локерен Темзе, второлигашот за кој настапува.

Наинголан се врати од пензија за да игра за белгискиот тим, а набрзо беше обвинет и уапсен под сомнение за вмешаност во трговија со дрога. По заминувањето, Наинголан опиша како се одвивал целиот процес:

„Ме испрашуваа четири часа. Кога ме изведоа пред истражен судија веќе беше шест часот навечер. Ми рекоа дека цела ноќ ќе ја поминам во ќелија. Се однесуваа како да го апсеа Пабло Ескобар, иако немам никаква врска со случаите со дрога во кои е вклучен мој пријател“, рече Наинголан, а потоа појасни: „Не ми поставуваа никакви прашања за дрогата. Тие само сакаа да знаат каков однос сум имал со оваа личност“.

Теренот е сепак поубаво место, се согласува поранешниот репрезентативец на Белгија:

„Затворот е многу чудно искуство низ кое не би сакал повторно да поминам. Бев претставен како дилер на дрога“.

Реал Мадрид вечерва ќе му гостува на Манчестер сити во Лигата на шампионите. Двата тима одиграа лошо во првата фаза, поради што еден од нив ќе отпадне уште на почетокот од нокаут фазата.

На прес конференцијата пред натпреварот тренерот на Реал, Карло Анчелоти, доби неколку прашања поврзани со Винисиус Жуниор.

„Винисиус? Неговата сезона е добра. Досега постигна 17 гола и покрај двете повреди кои му го прекинаа континуитетот. Мислам дека се враќа во форма, иако се уште не е 100 отсто. Многу е блиску до своето најдобро ниво, кое ќе го покаже на натпреварот против Сити”.

65-годишниот стручњак беше запрашан за церемонијата на доделување на Златната топка, на која никој од Реал Мадрид не се појави откако се дозна дека победник ќе биде Родри, играчот од средниот ред на „граѓаните“ кој се опоравува од повредата:

„Мислам дека не е грешка што никој не беше таму. Не отидовме затоа што мислиме дека Винисиус е очигледниот добитник на Златната топка. Мислам дека Родри требаше да ја освои една година порано”, заклучи Анчелоти.

Менаџерот на Манчестер сити, Пеп Гвардиола, изјави дека неговиот тим е посебен и тоа ќе го покаже во вторник навечер од Лигата на шампионите против Реал Мадрид. Сити и Реал, во Манчестер ќе го одиграат првиот од двата бараж натпревари за пласман во осминафиналето.

По години на доминација во англискиот фудбал, на Гвардиола не му е лесно оваа сезона, бидејќи бележат лоши резултати во Премиер лигата, а во Лигата на шампионте нокаут фаза изборија во последното коло.

„Одигравме осум натпревари во последните пет години против Реал Мадрид, со различен повеќе или помалку успех, но мене не ми е нормално да играме против нив толку често. Стануваме модерен класик на Лигата на шампионите. Не се снајдовме добро во лигата и заслужуваме да играме во плеј-офот“, изјави Гвардиола.

Предноста на Сити може да биде тоа што голем број играчи на Реал се повредени. Милито, Алаба, Ридигер и Луис Васкез нема да настапат.

„Реал некако успеа подобро да ги апсорбира повредите од нас, тие се лидери во Ла Лига, додека ние немавме константност. Примивме многу голови. Бевме нестабилни во претходниот период и тоа не чинеше, но полека се враќаме во нашиот ритам. Морам да бидам оптимист“.

Гвардиола смета дека за неговиот тим би било од големо значење доколку успеат да го елиминираат кралскиот клуб.

„Не е важно што реваншот е во Мадрид, нашиот тим има нешто посебно и се надевам дека ќе можеме да го покажеме то. Знаеме што ни носи победата и што ни носи нерешениот резултат. Но, денес во фудбалот не е многу важно дали си фаворит на хартија или не“, изјави Гвардиола.