Црна хроника
Нинџа осуден на 10 месеци затвор
Александар Василевски – Нинџа и Никола Митревски – Кољо се осудени на десет, односно шест месеци затвор за напад врз Драганчо Стоименов – Дац, што се случи пред неколку месеци.
Вака одлучи судот откако исказ даде и оштетениот Стоименов. Обвинителката го преквалификува кривичното дело од обид за убиство во нанесување тешка телесна повреда и за двајцата обвинети, по тврдењето на Стоименов дека Нинџа пукал моментално со пиштолот.
Стоименов пред судот рече дека критичната ноќ Митревски и Василевски го пресретнале пред неговата зграда, а Василевски кој имал пиштол во рацете моментално пукал во него и го повредил во ногата. Поради контрадикторните тврдења, судот го соочи оштетениот со двајцата обвинети, при што и двајцата обвинети останаа на своите тврдења. Василевски тврдеше дека не бил на местото на нападот, дека вечерта бил на роденден со својата сопруга, а додека Митревски тврдеше дека Стоименов го собрал од пред Т.Ц. „Бисер” и дека сакал да му покаже снимка на којашто се гледа дека Дац тепа извесен Пановски Типе. Тој не се согласил да се качи кај него дома, му рекол снимката да ја симне доле, по што двајцата почнале да се борат и во еден момент Дац кој имал пиштол во рацете испукал еден куршум и се повредил во ногата.
Осудениот Василевски, инаку, е сведок во случајот „Ровер”, во кој што му се суди на поранешниот министер за внатрешни работи, Љубе Бошкоски.До правосилноста на одлуката Нинџа ќе остане во притвор, додека Кољо ќе биде на слобода. /крај/ач/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.