Црна хроника
Пријавени кражби во цркви во кумановски и штипско, во Велс ограбена аптека

Саботниот билтен на министерството за внатрешни работи, за среќа е „тенок“. Повторно на мета на провалниците се необезбедените селски цркви, овојпат со слаб плен во пари и зејтин, а во Велес е ограбена аптека.
Во кумановската полиција е пријавено дека во периодот од 14-ти до 18-ти јануари, во Ново Село, кумановско во црквата „Св.Никола“, непознат сторител извршил тешка кражба при што одзел околу 15 илјади денари и пет литри зејтин, откако насилно ја отворил влезната врата на црквата.
Ноќта меѓу четвртокот и петокот, исто така, засега непозната провалник, во селото Сарчиево, штипско во црквата „Света Петка“,украл околу шест илјади денари. Како што е утврдено со увидот, крадецот се прекачил преку металната порта, влегол во кругот на црквата, а потоа насилно и најверојатно со алат што го носел со себе ја отворил помошната метална врата на црквата, влегол внатре пребарувал и откако ги одзел парите, заминал во непознат правец.
Во Велес, пак, во петокот доцна попладне, по 18,45 часот на улицата „Димитар Влахов“ во аптеката „Цитофарм“, непознат арамија со закана со нож од сопственичката одзел околу пет илјади, по што избегал во непознат правец./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен 24-годишник од Тетовско: возел со 162 км/час на место каде е дозволено 80 км/час

Вчера во 17.43 часот на автопат Тетово – Гостивар, полициски службеници од Полициската станица за безбедност на патниот сообраќај Тетово го лишиле од слобода 24-годишниот В.М. од село Пирок, тетовско.
При сообраќајна контрола и преземени мерки и активности, полициските службеници констатирале дека В.М. управувал патничко возило „фолксваген голф“ со тетовски регистерски ознаки со брзина од 162 километри на час на место каде што максималната дозволена брзина е 80 километри на час.
Лицето е пиведено во полициска станица и по целосно документирање на случајот против него ќе биде поднесена пријава по член 297 – а од Кривичниот законик – „безобѕирно управувањена моторно возило“.
Црна хроника
На тераса во Кочани украден паричник од 90-годишен маж

90-годишник од Кочани синоќа пријавил кражба што се случила околу 21:30 часот на терасата од неговата семејна куќа.
Според пријавата во ОВР Кочани, едно лице му го одзело паричникот во кој имало пари и лични документи.
Полицијата презема мерки за расчистување на случајот.
Црна хроника
Норвежанец приведен на аеродромот во Скопје, се однесувал агресивно

44-годишен државјанин на Норвешка бил приведен ноќеска на Меѓународниот аеродром Скопје, откако за време на летот од Осло до Скопје го нарушил јавниот ред и мир со агресивно однесување.
Како што соопшти Министерството за внатрешни работи, при обид полициските службеници да разговараат со него, мажот продолжил да се однесува агресивно и кон нив, попречувајќи го извршувањето на службените дејствија.
Лицето било приведено, а по целосно документирање на случајот, против него ќе биде поднесена соодветна пријава, информираат од МВР.