Регион
Австрија воведе рестрикции за имигрантите, Словенија ќе решава во четврток, Србија ќе ја следи
Австрија во средата ги воведе рестрикциите за приемот на бегалците и имигрантите од Словенија, па во иднина ќе прима помал број имигранти отколку досега, на што веќе реагираше шефот на словенечката дипломатија Карл Ерјавец најавувајќи реципрочни мерки на границата со Хрватска со тоа дека владата ќе решава во четврток, а српскиот министер за руд и социјални грижа Александар Вулин порача дека преку територијата на Србија од средата може да минуваат само имигрантите коишто ќе изразат намера да побараат азил во Австрија и Германија, и за таквите мерки ја известила Македонија.
Со мерките кои ги прифати во средата австриската влада одлучи дека во иднина од Словенија ќе прима само бегалци на коишто може да им се утврди идентитетот, оние кои имаат намера да побараат азил во Австрија или Германија и луѓе без криминално минато или кои не претставуваат безбедносен ризик, а лимитиран е и бројот на азилантите кои ќе бидат примени до 2019 година, на најмногу до 1,5 отсто од вкупното население на Австрија. Во земјата, исто така, ќе бидат пуштани само бегалците од загрозените региони, а не и економските имигранти.
Австриската влада одлучи дека оваа 2016 година ќе прими најмногу 37.500 барања за азил, а до средината на 2019-та вкупно 12,7,500, и нивниот вкупен број не смее да ја надмине границата од 1,5 отсто од вкупното население.
Мерките целосно ќе започнат да се применуваат од февруари, а одвојувањето на бегалците од економските имигранти започна веќе во средата. По 12 часот на австриската страна од граничниот премин Шентиљ/Спелфелд е пропуштена првата грума имигранти според новите правила, со засилена контрола на багажот и на документите, а и со забележително зголемено присуство на полицијата, додека границата во близина ја чуваат австриски војници, пренесуваат агенциите.
Портпаролот на австриската полиција Фирц Грундниг изјави дека во средата во Спелфелд било најавено доаѓањето на 500 имигранти, додека најголемиот дневен прилив ќе биде 1.000, а со словенечката страна е договорено преминувањата да се одвиваат во групи од по 50 лица.
Како резултат на тоа, повеќе словенечки функционери, вклучително и премиерот Миро Церар, последните денови изјавуваа дека Словенија во зависност од новите австриски мерки кон имигрантите, веднаш истите мерки пропорционално ќе ги примени на својата граница со Хрватска, за да се намали миграцискиот бран во Европа се намали или запре. Притоа постои стравување дека Словенија може да се претвори во „џеб“ во кој би останале илјадници имигранти, чие минување Австрија нема да го одобри или ќе ги врати.
Словенечката опозиција критикува дека владата е самата виновна за настанатата ситуација оценувајќи дека земјите северно од неа дефакто ја исфрлаат Словенија од Шенгенскиот простор и тврди дека шенгенските правила според кои во земјите на Шенген не можат да влезат лица од трети земји без документи и шенгенска виза, која е предвидена за редовна состојба, но не и за вонредна како сега.
Премиерот Церар во петокот на Брдо крај Крањ на заедничката седница на владите на Словенија и Унгарија, ќе разговара со унгарскиот премиер Виктор Орбан. Најавено е дека иако фокусот на разговорите требаше да биде на економската соработка и инвестициите, ќе биде разговарано и за начините за решавање на бегалската криза.
Србија ќе ги следи австриските мерки, најави во средата попладнето министерот за труд Александар Вулин. Истакна дека имигрантите кои барат да одат во други земји и кои својата намера за азил сакат да ја изразат на територија на друга држава, нема да можат да минат преку териториите на Хрватска, Словенија, Австрија, како и Германија.
„Од денеска, врз основа на австриската влада која ни е доставена со посредство на владите на Словенија и на Хрватска, имигрантите нема да можат да го продолжат патувањето ако не изразиле намера да побараат азил на териториите на Австрија и на Германија“, истакна Вулин за новинарите. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.