Свет
Две деца загинаа, а десет се повредени во автобуска несреќа во Аргентина
Две деца загинаа, а десетина се повредени во автобуска несреќа во Агентина, јужно од Буенос Ариес. Загинатите деца се на возраст од 11 и 12 години, а повеќето повредени се пренесени во најблиската болница, рекол претставник на полицијата.
Несреќата се случила во 6 часот по локално време, во близина на местото Лезама, 160 километри од Буенос Ариес, од засега непознати причини.
Во автобусот биле 43 деца, на возраст од 11 до 13 години и десетмина возрасни, вклучително и двајца возачи. Оделе на училишна екскурзија. Тргнале од местото Бенавидес за летувалиштето Мар дел Туј.
Јавниот обвинител изјавил дека возачот рекол оти изгубил контрола над возилото. Обвинителот изјавил дека видливоста била добра и дека немало знаци на кочење на местото на несреќата.
Според првичните податоци од истрагата, возачот нема алкохол во крвта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.
Свет
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на Универзитетот Колумбија, окупирана од пропалестински демонстранти, нарекувајќи ги „бесни лудаци и симпатизери на Хамас“.
На митинг за претседателската кампања во Висконсин, Трамп рече дека „Њујорк е под опсада“ и го поздрави апсењето на околу 300 демонстранти, пренесува Ројтерс.
Некои членови на Републиканската партија ги обвинија универзитетските лидери за игнорирање на антисемитската реторика и малтретирање на пропалестинските протести низ САД.