Црна хроника
Стружанец пренесувал хероин за Виена облепен на стомакот
Стружанец се обидел да пренесе три килограма хероин чијашто цена се проценува на околу 200 илјади евра од Струга за Виена, облепен на стомакот, соопшти во средата македонското министерство за внатрешни работи.
Во вторникот вечерта на граничниот премин Табановце, на излез од Македонија бил запрен автобус кој сообраќал на линија Струга преку Скопје до Виена.
Полицајците со куче „душкало“ откриле пет пакувања со правоаголна форма облепени со селотејп трака, коишто 40-годишен стружанец ги залепил околу стомакот.
За транспортот на дрогата требало да добие две илјади евра, околу 500 евра му биле исплатени како аванс, а останатите пари требало да ги добие во Виена од непознато лице кое требало да ја преземе дрогата.
Високо квалитетниот хероин на нарко пазарот при продажба на мало достигнува цена од 200 илјади евра. Против стружанецот е поднесена кривична пријава и треба да биде изведен пред истражен судија.
Полицијата утврдува дали во транспортот се инволвирани и други лица./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.