Македонија
(Видео) Пуштен во употреба зелениот покрив на ГТЦ
Градоначалникот на Скопје, Петре Шилегов, рече дека не е против на зелениот покрив на ГТЦ да има кафетерија, но за тоа сега требало да одлучи ГТЦ, кој треба да стопанисува со новоизградениот зелен покрив над трговскиот центар. Во првичниот план за изградбата на зелениот покрив на ГТЦ беше предвиден угостителски објект, но кога тоа предизвика бурни реакции на социјалните медиуми, Градот се откажа од изградбата на ваков објект.
„Не сум против да има некаква услужна дејност на покривот затоа што тоа би дало дополнителна вредност за релаксација и целосно уживање во оваа зеленило. Но, обврската за издавање деловен простор за ваква намена ја има ГТЦ и тој во иднина би требало да одлучи дали ваков објект ќе има овде“, рече Шилегов.
На зелениот покрив, кој денеска беше пуштен во употреба, има поставено две фонтани, монтажна бина, амфитеатрални скали, партерно шаховско поле, клупи и друга урбана опрема. Шилегов најави дека ќе се води сметка за одржување на просторот и нема да дозволи тој да биде препуштен на уништување.
„Зелениот покрив ќе им биде на располагање на граѓаните во времето кога е отворен ГТЦ. Значи, навечер, по полноќ, оградата ќе се затвора за да не биде оставен на милост и немилост на вандалските уништувања, кои се честа појава во последно време. Иако обврската за негово одржување му е препуштена на ГТЦ, ќе помагаме со сите наши ресурси и нема да оставиме овој простор да биде предмет на уништување“, рече Шилегов.
Просторот е со површина од 1.800 квадратни метри и е хортикултурно уреден со тревници, садници со зеленило, при што се засадени 3.656 дрвја од 20 вида. Директорот на ГТЦ, Ѓоко Трајчевски, на отворањето на зелениот покрив рече дека со реализацијата на проектот е решен и проблемот со вентилацијата на трговскиот центар.
„ГТЦ доби многу со овој проект. Од еден нефункционален простор со големи проблеми, многу спорови, тераса на која не се интервенирало над 30 години, направивме нешто. Ја повикувам јавноста да дојде, да види и да ужива во просторот, пред сè, решен е проблемот со вентилацијата на трговскиот центар. Сопствениците на дуќаните може мирно да спијат, ги уверувам дека повеќе нема да има прокапување и вода во нивните локали“, рече Трајчевски.
Проектот за изградба на зелениот покрив Градот го реализира заедно со УНДП и како што информира градоначалникот Шилегов, за неговата реализација се потрошени приближно 500 илјади евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Давкова си закажала дебата сама со себе на МТВ
После јавната бламажа на трите досегашни ТВ дуели, Гордана Силјановска Давкова сфати дека единствен начин да излезе како победник во тие јавни соочувања е да организира разговор со „празно столче“ во договор со јавниот сервис чии генерален директор со месеци е ангажиран во партиска кампања на ВМРО-ДПМНЕ, вели престедателскиот кандидат Стево Пендаровски отклако претходно неговата против кандидатка Гордана Силјановска Давкова објави коментар дека Пендаровски не се појавил на дебатата на националниот сервис МТВ.
„Инаку, терминот за дебатата на МТВ никогаш не беше договорен меѓу двата кандидати. Дебатата во понеделник на 6ти мај, на телевизија Канал 5, е последна која е потврдена од двете страни.
И покрај ниските морални и етички стандарди кои ги поставија до сега во кампањата, ова е ново дно кое ВМРО-ДПМНЕ и Гордана Силјановска Давкова го достигнаа, што може да ги изненади само оние кои не го познаваат начинот на делување на ВМРО-ДПМНЕ и на нивната партиска кандидатка“, реагира Пендаровски на прозивките на Давкова.
Македонија
Сиљановска-Давкова до Пендаровски: Ќе дебатирам со празно столче, последната дебата е закажана за понеделник
Кандидатката за претседателка на ВМРО-ДПМНЕ, Гордана Сиљановска-Давкова со свој коментар на социјалната мрежа X, по повод отсуството на противкандидатот Стево Пендаровски на тв-дебата на Македонската телевизија.
“Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче“, напиша таа.
Не разбирам, вели Сиљановска-Давкова, зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови.
„Би сакала да го потсетам господинот Стево Пендаровски дека последната дебата е закажана за понеделник, па го повикувам да се одважи и да се појави пред мене и пред граѓаните на Македонија.
Основна задача на шефот на државата е да гради консензус преку дијалог со сите“, пишува Сиљановска-Давкова на социјалните мрежи.
Доби и одговор од нејзиниот против кандидат Стево Пендаровски.
„Давкова си закажала дебата сама со себе на МТВ“, реагира Пендаровски на социјалните мрежи.
Македонија
Мицкоски: На СДСМ прогнозите не им излегоа како што тие замислуваа
„Според оваа емоција што ја чувствувам овде и онаа емоција и енергија што ја чувствувам насекаде низ Македонија значи дека на 8-ми мај ќе ни донесе историски резултат, подобар од оној кој што се случи на првиот круг на претседателски избори. Сепак 2:1 резултат во однос на освоени гласови помеѓу идниот претседател професорката Гордана Силјановска Давкова и досегашниот сега и веќе поранешен претседател, Стево Пендаровски е нешто кое што за првпат се случува во македонската демократска историја, истакна претседателот на ВМРО-ДПМНЕ, Христијан Мицкоски од митингот во Маврово Ростуше.
„Многу работи се изнаслушав овие шест години откако сум претседател на партијата, и многу работи како што тие ги замислиле не излегоа како што тие ги кажуваа. Можам да кажам слободно дека ништо не излезе така како што тие кажуваа“, рече Мицкоски говорејќи дека на СДСМ прогнозите не им излегоа како што тие замислуваа.
Мицкоски додаде на СДСМ ништо нема да им се оствари бидејќи граѓаните гледаат кој мисли добро на Македонија. „По осми мај ќе победи Гордана Силјановска Давкова и ВМРО-ДПМНЕ“.
„Сепак 183.000 гласови е нешто што испишува историја. Последниве години ВМРО-ДПМНЕ заедно со народот испишува историја. Така беше и пред две и половина години на локалните избори кога за првпат една коалиција, политичка партија во независна Македонија од позиција на опозиција заедно со народот успеа да победи во мнозинството општини во Македонија и да освои мнозинство градоначалници“, потсети тој.
Мицкоски кажа дека таа историја од локалните избори продолжи да се испишува и во првиот круг на претседателски избори и така ќе продолжи и на осми мај.
„По осми мај ќе отвориме нова страница за Македонија и ќе ја направиме Македонија онаква каква што нашите генерации сонуваа да биде. Ќе започне процесот на трансформација на Македонија. Доста беа порази, понижувања и грабеж. Ќе отпочне Македонија со својот развој, да бидеме лидери во регионот, да се вратиме во првите пет во Европа“, порача Мицкоски.
Тој истакна дека подобри времиња за Македонија доаѓаат со новата Влада предводена од ВМРО-ДПМНЕ.