Свет
(Видео) Автобус излета од мост и падна во река, 19 загинати
Најмалку 19 луѓе загинаа, а 21 човек е повреден во автобуска несреќа што вчера се случи во источна Русија, пренесуваат светските медиуми. Како што се наведува, до несреќата дошло кога возачот на автобусот на автопатот Могојту-Сретинск-Олочи, изгубил контрола над возилото, излетал од мостот над реката Куенга, висок шест метри во Трансбајкалскиот регион. Како што пренесува српски „Блиц“, меѓу загинатите е и едно дете.
В Забайкалье упал с моста автобус с пассажирами. Авария случилась на маршруте Чита – Сретенск, в 60 км от Сретенска. На месте экстренные службы – 10 погибших, среди них 1 ребенок и 13 пострадавших. pic.twitter.com/s8CwC259yq
— Почти ГосДума (@duma_gos) December 1, 2019
Според информациите од руските медиуми, на автобусот му се дупнала гумата.
Первые секунды после падения автобуса с моста. У автобуса лопнуло правое переднее колесо. Водитель Сергей Кубасов не справился с управлением и вылетел за ограждение. Мужчина погиб. Сейчас сотрудники МЧС опасаются того, что тяжелая машина уйдёт под лёд вместе с людьми. pic.twitter.com/5wBcag9v97
— Почти ГосДума (@duma_gos) December 1, 2019
На местото на несреќата стигнаа бројни екипи на итната помош и два хеликоптери, пренесе „РИА Новости“. Во автобусот имало 43 патници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.
Свет
Имран Кан обвинет за убиство на полицаец за време на насилните протести на неговите приврзаници
Пакистанската полиција го обвини затворениот поранешен премиер на земјата Имран Кан за обид за убиство поради смртта на полицаец за време на насилните протести на неговите приврзаници минатиот викенд, соопштија денеска официјални лица.
Официјални лица рекоа дека Кан, кој е во затвор од 2023 година, е обвинет за поттикнување луѓе на насилство.
Полицијата соопшти дека Кан, кој ги повикал своите следбеници да се соберат во негово име и да побараат негово ослободување од затвор, наводно ги поттикнал своите поддржувачи, што довело до убиство на полицаец, пренесе АП.