Црна хроника
Скопјанец четири години му се заканува на адвокат и му барал 20.000 евра

Скопјанец четири години му се заканувал на адвокат дека ќе го убие него и неговото семејство, ако не му даде 20.000 евра, иако адвокатот не му должел пари.
Од 2009 до 2013 година, скопјанецот му се јавувал на адвокатот од телефон и му барал пари кои му требале за да купи стан.
Иако адвокатот му кажувал дека нема да му даде пари, бидејќи не му е должен, скопјанецот продолжил да му се заканува по живот и да му бара пари.
Во втроникот насилникот пошол во канцеларијата на адвокатот почнал да му се заканува и го присилил да му даде 300 евра. Адвокатот го пријавил во полиција, насилникот е приведен и кај него биле најдени 300 евра кои биле претходно обработени, како и нож на расклопување.
Против него е поднесена кривична пријава за изнуда. А истражен судија му одредил 30 дневен притвор./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Го следеле од менувачница, го нападнале и му ги зеле парите

Основното јавно обвинителство Куманово поведе истражна постапка против две лица осомничени за кривично дело – Разбојништво по член 237 став 1 од Кривичниот законик, откако пред четири дена физички нападнале маж и му одзеле поголема сума пари.
Според информациите од обвинителството, осомничените го забележале оштетениот додека разменувал девизи и почнале да го следат со намера да му ги одземат средствата. Откако тој се приближил до неговата семејна куќа, двајцата го нападнале, нанесувајќи му удар со тупаница во пределот на главата. Жртвата паднала на земја и изгубила свест, по што му биле одземени 172.000 денари и 37.460 српски динари.
Со цел обезбедување на истрагата и спречување на можноста за бегство, судија на претходна постапка им определи мерка притвор во траење од 30 дена на двајцата осомничени.
Обвинителството продолжува со прибирање на докази за целосно расветлување на случајот.
Црна хроника
Уапсен пијан возач во Дебарско, возел со 2,69 промила алкохол во крвта

Полицијата уапси пијан возач од дебарско кој возел со 2,69 промили алкохол во крвта.
Според информациите на МВР, вчера во 12.40 часот, полициски службеници го лишиле од слобода Џ.Е.(54) од с.Џепиште, дебарско. При контрола во патниот сообраќај, полициските службеници сопреле патничко возило „форд“ со дебарски регистарски ознаки, кое го управувал и по преземени мерки било констатирано дека е под дејство на алкохол, односно дека има 2,69 промили алкохол во крвта.
Тој бил исклучен од сообраќај и задржан во полициска станица, а по целосно документирање на настанот против него ќе биде поднесена пријава по член 297-а од Кривичниот законик – „безобѕирно управување со моторно возило“.
Црна хроника
Тешко повредено деветгодишно девојче од Радовиш: го удрил мопед управуван од пијан возач

Вчера во 17.30 часот во Радовиш, полициски службеници од ОВР Радовиш го привеле Б.З.(40) од Радовиш.
Во 14.45 часот на крстосница од ул.„Плачковица“ и ул.„Мирче Ацев“ во Радовиш, управувајќи мопед „томос“ со 2,02 промили алкохол во крвта, тој удрил во деветгодишно девојче од Радовиш, која се здобила со тешки телесни повреди, констатирани во Итна медицинска помош Радовиш.
Лицето било задржано во полициска станица, а увид извршила увидна екипа на ОВР Радовиш.
По целосно документирање на случајот, против него ќе биде поднесена соодветна пријава, соопшти полицијата.