Црна хроника
Најмалку 30 настрадани во уривање балкон во лондонскиот театар Аполо
Најмалку 30 луѓе се повредени при уривање на балконот во театарот „Appollo“ во центарот на Лондон, пренесе телевизијата Sky News повикувајќи се на претставници на итната помош.
„Знаеме дека има повредени“, изјавил портпаролот на полицијата за BBC, но тој не можел да го потврди бројот на настраданите при уривањето на делот од гледалиштето.
Според различни извори, за време на претставата се урнал дел од таванот или балкон. Лекарите појасниле дека повеќето од жртвите претрпеле полесни повреди и дека нема хоспитализрани.
Еден од очевидците за телевизијата Sky News рекол дека изгледа дека се урнал дел од балконот во гледалиштето. Мислам дека падна предниот дел од балконот“, рекол Мартин Босток кој бил во гледалштето и додал дека „поради прашината беше тешко нешто да се види“.
Apollo е еден од култните театри на лондонски Вест Енд, е отворено во 1901 година. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.