Црна хроника
Сведок во Монструм: Човек со пушка рече стој полиција и не носеше маска

Човекот со пушка во рацете, кој нé пресретна кога тргнавме да си одиме дома од Смилковското езеро, ни рече „Стој полиција“ и на себе не носеше маска, рече сведокот на обвинителството во случајот „Монструм“, Бајрам Мемедов.
Сведокот Бајрам Мемедов, како и другите сведоци, потврди дека човекот им рекол да се вратат назад оти ќе ги убие, а на 15-20 метри кога се враќале слушнале пукање. Мемедов за разлика од вториот сведок кој тврдеше дека зад човекот со пушка имало и други три, четири лица, тврдеше дека освен човекот со пушка не видел никој друг зад него.
Човекот со пушката им се обратил на лош македонски јазик. Кога тргнале да си одат дома видел автомобил караван со темносина боја со фаровите свртени кон езерото.
Но Мемедов тврди дека меѓу обвинетите не го препознава човекот што им излегол со пушката. „Човекот што ни излезе со пушката не личи на овие луѓе“, рече Мемедов.
Во судот во четвртокот беа испрашувани сведоците на обвинителството,сите од ромска националност, кои тврдат дека ловеле риба на Смилковското езеро на денот кога се случи убиството. На езерото заминале околу 16 часот.
Првиот сведок Ахмет Бекир рече дека кога дошле на езерото три, четири момчиња им побарале леб за да фаќаат и тие риба, а потоа заминале, но не знае каде.
Кога почнало да се стемнува тргнале да си одат, но патот им го попречил човек со пушка во рацете, ги прашал како се викаат и им рекол „Бегајте назад, оти ќе ве убијам“.
Додека се враќале слушнале истрели едно по друго. Вториот сведок, Несим Кемал тврдеше дека зад човекот со пушка имало уште три, четири лица кои исто како и него носеле темна облека.
По одредено време откако ги слушнале пуктониците го виделе белиот автомобил и мртвите тела на момчињата.
И Кемал тврдеше дека човекот им се претставил како полицаец и дека носел панцир на себе. Не можел да види дали и другите лице носеле панцири на себе. И тој на истото место, на ткн втора плажа на Смилковското езеро, пред да ги пресретне човекот со пушката, видел автомобил свртен со фаровите кон езерото, но според него, автомобилот бил сив.
Но никој од сведоците не го, препозна тој човек со пушка меѓу обвинетите. Одбраната на обвинетите, тврди дека сведоците имаат контрадикторни изјави и дека се исполнило нивното очекување со тоа што меѓу обвинетите не го препознале човекот со пушка.
Судењето продолжува на 8-ми февруари. Во судницата денеска беа присутни и татковците на убиените момчиња.
На 12-ти април без причина беа убиени матурантите Кире Тричковски, Филип Славковски, Цветанчо Ацковски, Александар Наќевски и рибарот Борче Стефковски.
Судскиот процес за грозоморното убиство коешто ја потресе целата земја почна на 20-ти декември, а на обвинителната клупа седнаа Агим Исмаиловиќ, Фејзи Азири, Рами Сејди и Хаки Азири. На другите двајца обвинети, Алил Демири и Африм Исмаиловиќ кои се во бегство, ќе им се суди во отсуство./ крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата

СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи на сомнение за сторени кривични дела „неовластено изработување, држење, посредување и тргување со оружје или експлозивни материи” по член 396 и „телесна повреда” по член 130 од Кривичниот законик.
На 08.06.2025 во 20.30 часот во Скопје, полициски службеници од СВР Скопје го лишиле од слобода А.Р., постапувајќи по претходна пријава дека во семејниот дом на подрачјето на Бит Пазар физички ја нападнал неговата 33-годишна сопруга, при што употребил и тврд предмет.
Подоцна, со наредба од Основен кривичен суд Скопје, бил извршен претрес во неговиорт дом и биле пронајдени и одземени 1.167 куршуми од различен калибар, автоматска пушка калибар 7.62 х 39 мм, пиштол „Зораки“ за светлосна звучна сигнализација преправен во огнено оружје калибар 7.65 мм, полуавтоматски пиштол „Рангер“ калибар 9 мм, пневматски пиштол, една рачна граната, рамки за автоматско оружје, футроли за пиштоли, делови од огнено оружје, ножеви и други остри предмети и други предмети за кои постои основи на сомнение дека потекнуваат од кривично дело.
Од страна на судија на претходна постапка на пријавениот А.Р. му е изречена мерка притвор во траење од 30 дена.
Црна хроника
Тепачка во соблекувалната на Градскиот стадион во Виница, нападнат фудбалер на „Карбинци“

Две лица физички нападнале фудбалер од клубот „Карбинци“ во соблекувалната на Градскиот стадион во Виница.
Според информациите на МВР, поднесена е кривична пријава против Д.М.(44) и Н.К.(40), двајцата од Виница, поради постоење основи на сомнение за сторено кривично дело „насилство“.
На 04 јуни во соблекувална на Градскиот стадион во Виница, пред започнување на фудбалски натпревар помеѓу екипите на ФК „Слога“ од Виница и ОФК „Карбинци“, пријавените физички го нападнале М.Д., фудбалер на екипата на ОФК „Карбинци“.
Црна хроника
Девојка пронајдена почината во казино во Центар

Дваесет и четиригодишна девојка е пронајдена почината во казино во Центар, Скопје.
Според информациите на МВР, вчера околу 19.42 часот во СВР Скопје било пријавено дека во казино во хотел на подрачјето на Центар во Скопје била пронајдена почината 24-годишната Г.Ј. од Охрид, вработена во казиното.
Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатата било дадено на обдукција.