Црна хроника
Основното јавно обвинителство Тетово го истражува убиството во Мала Речица, се трага по осомничените
Основното јавно обвинителство Тетово соопшти во саботата дека го истражува инцидентот кој се одигра во петокот ноќта во тетовското село Мала Речица, во кој едно лице го загуби животот а уште две други се здобија се прострелни рани од огнено оружје.
Во петокот вечерта, како што претходно соопшти Министерството за внатрешни работи, околу 23,15 часот во селото Мала Речица, на улицата „188“, по вербална расправија едно лице, инаку жител на Мала Речица е убиено, а двајца негови сограѓани се здобиле со прострелни рани од огнено оружје, наводно автоматски пиштол „шкорпион“ од кој било рафално пукано, а го употребило едно од двете лица кои влегле во караницата со другите три лица.
Според првичните сознанија, извршители на кривичното дело се две лица од Тетово, кои наводно од порано се познати како сторители на разни кривични дела, кои во моментов се недостапни на органите на прогонот и се трага по нив. Повредените се испратени на лекување во Клиничката болница во Скопје.
Надлежниот јавен обвинител од Основното јавно обвинителство Тетово ги презема сите мерки и дејствија за расветлување на причините што довеле до овој кривично. Издадени се низа наредби, како за потрага по осомничените лица, така и наредби за прибирање траги и изнаоѓање докази за расветлување на настанот и утврдување на факти во предметот.
Засега нема информација за причините за вербалната расправија и мотивите за инцидентот. Неофицијално, според локалните тетовски медиуми, станува збор за пресметка меѓу дилери на дроги.
Според информации од СВР Тетово и Јавно обвинителство од Тетово, во инцидентот се инволвирани Х. M. (37) и неговите пријатели М. Х. (34) и Х. К. (39) од Мала Речица, од една страна, и А. Б. (33) и Б. М. (30) од Тетово, од друга страна. Расправијата набрзо прераснала во тепачка во која А. Б. од чанта извадил пиштол од кој го застрелал Х. М. со две прострелни рани во главата и телото, по што овој починал на местото на инцидентот. Двајцата негови другари биле ранети во нозете. Веднаш потоа напаѓачите побегнале. Ранетите М.Х. и Х.К. биле донесени во тетовската Клиничка болница од каде, поради сериозноста на повредите, се префрлени на Клинички центар во Скопје. крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.