Свет
Германското индустриско производство порасна четврти месец по ред
Германското индустриско производство повторно благо порасна во декември, четврти месец по ред, а скокот на новите индустриски нарачки сигнализира јакнење на закрепнувањето во наредните месеци, покажуваат податоци на министерството за економија и технологија.
Сезонски прилагоденото индустриско производство порасна во последниот квартал од 2014 година за скромни 0,1 отсто во однос на претходниот месец кога според ревидираните податоци на минисерство беше забележан идентичен раст.
Првичните податоци укажуваа на пад на индустриското производство во ноември за 0,1 отсто.
Ова значи дека производството растело четири месеци по ред, што е прв пат од почетокот на 2011 година, што значи дека по слабиот период во летото 2014 година повторно уследи благ нагорен тренд, констатираат во министерството.
Најсилен раст имало во секорот преработувачка индустрија, додека товар бил градежниот сектор каде активностите бележат намалување.
Одвоено во петокот од министерството е објавен и податок за скок на индустриските нарачки во декември за 4,2 отсто во однос на претходниот месец што сугерира дека закрепнувањето во наредните месеци би можело да засили./крај
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.