Европа
Во Кабул се убиени двајца Шпанци, во Сеута апсења за поврзаност со IS
Во самоубиствениот напад на талибаните врз резиденцијата во близина на шпанската амбасада во авганистанската престолнина Кабул, загинале десет луѓе од кои двајца се шпански полицајците, соопшти во саботата шпанската влада изнесувајќи ги новите податоци за нападот.
Талибаните во 18 часот во петокот по локално време ја нападнаа резиденцијата во која се наоѓаат американски војници, во комплексот на шпанската амбасада во Кабул, која беше цел на напад и во 2009 година, но тогаш немаше жртви. Во близина се и воена база, и амбасадите на САД, Велика Британија, Канада, Германија, Ирак и на Кина.Во нападот загинале двајца пански полицајци. Во последните 14 години веќе загинаа 100 Шпанци откако оваа земја ѝ се приклучи на мисијата НАТО која во 2001 година го собори теалбинаскиот режим и се обидува да ја стабилизира земјата што радикалните исламски бунтовници го сметаат за окупација.По завршувањето на мисијата пред речиси два месеца, во Авганистан се наоѓа уште мал контингент од 21 шпански војник. Во Шпанија за осум дена ќе се одржат парламентарните избори, а конзервативниот премиер Маријано Рахој кој се надева дека ќе добие уште еден мандат, порача во петокот дека една од главните точки на неговата програма е борбата против тероризмот.Во саботата во Сеута, шпанска енклава во северна Африка, е уапсен 34-годишен маж обвинет за регрутирање борци на терористичката организација Исламска држава. Тој е шестото лице уапсено под ова обвинувања, од терористичките напади од 13-ти ноември во соседна Франција кога беа убиени 130 луѓе./крај/мф/сн
Извор: Reuters/AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.