Спорт
Верон: Братот Михајловиќ ме учеше како да изведувам слободни (видео)
Аргентинската фудбалска легенда, Хуан Себастијан Верон вели дека кога неговиот сонародник Хоакин Кореа го запрашал за совети при изведувањето на слободните удари, тој му пренел знаење кое го добил од Синиша Михајловиќ кога беа соиграчи во Сампдорија.
Верон играше за Лацио две сезони освојувајќи скудето и Копа Италија, а при крајот на кариерата играше со сегашниот напаѓач на римскиот клуб Кореа во Естудијантес, каде што му бил ментор.
„Кога беше мал бараше да му објаснам како најдобро да изведува слободни удари. Го научив како да го постави телото и како да шутне, нешто што го научив од Синиша Михајловиќ“, вели Верон во интервју за „Ла газета дело спорт“.
Верон и Михајловиќ играа заедно во Сампдорија, Лацио и Интер, и Аргентинецот вели дека контактира со српскиот тренер на Болоња, кој се бори со леукемијата.
„Му пратив порака кога ја имаше прес-конференцијата, но го знаев одговорот уште пред да ми го прати: ’Благодарам, те сакам, но јас ќе победам’. За мене тој е брат. Мојата кариера во Италија почна и заврши со него, тој беше секогаш тука за мене“, вели Верон.
Михајловиќ беше легендарен по своите слободни удари, постигнувајќи 28 гола во Серија А од слободен удар.
„Само што пристигнав во Италија, почнав да тренирам со него. Првиот ден ги постави пречките на седум метри и јас му кажав дека нема шанси да го направам тоа. Тој ги постигна сите голови“, вели Верон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Чави демантира дека ќе добие отказ
Тренерот на Барселона, Чави Ернандез ги демантираше пишувањата на шпанските медиуми дека раководството на клубот размислува да го отпушти.
„Клубот ми кажа дека треба да останам смирен и да продолжам да работам со истата мотивација и посветеност. Ништо не се смени“, изјави Чави на прес-конференцијата во пресрет на утрешниот натпревар со Рајо Ваљекано.
Речиси сите прашања се однесуваа на шпекулациите на шпанските медиуми дека претседателот Џоан Лапорта бил изнервиран од изјавата на Чави, кој рече дека ситуацијата е многу тешка, пред се на економски план, за да може екипата рамноправно да се борат против Реал и други. европски тимови.
По таа изјава медиумите објавија дека Лапорта ја разгледува можноста летово да го отпушти Чави.
„Не знам и не ми е грижа од каде доаѓаат тие информации. Имам поддршка од претседателот и Деко, нашиот спортски директор“, изјави тренерот.
Чави во јануари изјави дека ќе го напушти клубот на крајот на сезоната, но претседателот Лапорта го убедил да остане до крајот на договорот, во јуни 2025 година.
Во 2021 година Лапорта по вторпат се врати на чело на Барселона и наследи долг од повеќе од 1,3 милијарди евра.
Спорт
Три репрезентации му нудат државјанство на Французинот Олисе
Михаел Олисе се надеваше но не доби повик од францускиот селектор Дидие Дешам за ЕУРо 2024.
Овој 22-годишен крилен напаѓач зад себе има одлична сезона во Кристал Палас. Во Премиер лигата постигна 10 гола.
Сепак, Дешам за ЕУРо 2024 се реши за проверени имиња, па шанса пред Олисе добија Коман, Дембеле, Турам и Коло Муани.
Прашање е дали Олисе ќе има трпение да чека на повикот од Дешам.
Интересно во оој момент на него сметаат уште три репрезентации: Англија, Нигерија и Алжир.
Олисе играше за младинските селекции на француската репрезентација, а гореспоменатите репрезентации се подобни бидејќи е роден во Лондон од татко Нигериец и мајка која е Французинка со алжирско потекло.
Спорт
Кејн се мачи со повреда во пресрет на ЕП
Напаѓачот на англиската репрезентација и Баерн Минхен Хари Кејн (30) мака мачи со повреда на грбот во пресрет на Европското првенство кое од 14 јуни до 14 јули ќе се одржи во Германија. Кејн ќе го пропушти последниот натпревар на Баерн во Бундес лигата против Хофенхајм, поради проблем со грбот.
Кејн имаше проблеми со грбот и во пресрет на реваншот од полуфиналето на Лигата на шампионите против Реал Мадрид минатата недела, но покрај тоа што чувствуваше болка тој беше во тимот.
„Пробавме со инекции и терапија. но не помогна. Се влоши и тоа го чувствуваше во секојдневните движења. Немаше шанси воопшто да тренира“, изјави тренерот на Баерн, Томас Тухел.
На ЕП Англија ќе игра во група со Словенија, Данска и Србија. Тренерот Герет Саутгејт во вторник ќе го именува својот прелиминарен состав за турнирот.
Кејн постигна 44 гола во сите натпреварувања во неговата прва сезона во германскиот клуб, вклучувајќи четири хет-трика во Бундеслигата. Кејн со 62 гола е најдобар стрелец во историјата на англиската репрезентација.