Топ
Две деца загинаа во пожар во Шуто Оризари, врз нив паднал кровот на куќата
Две деца загинаа во пожар што се случи попладнево во скопската населба Шуто Оризари. Момчето и девојчето на возраст од 3 и 1,5 година, според првичните информации биле поклопени од покривот на импровизираната куќа во којашто живееле и починале пред да стигнат скопските пожарникари.
Според кажувањето на мештаните, во куќата имало четири деца, од кои две успеале да ги спасат по избувнувањето на огнот, додека врз најмалите деца се урнал покривот и било невозможно тие да бидат извлечени од домот што горел.
Пожарот, како што информираат од Противпожарната единица, бил пријавен околу 13:25 часот на улицата Брсјачка буна, во близина на пазарот во Шуто Оризари. Станува збор за дел од населбата каде има повеќе импровизирани куќарки, кои се залепени една до друга, во тешко пристапен терен. Според пожарникарите, интервенцијата била отежната и поради тоа што до куќарката нема асфалтиран пат, тука тесна патека, која е тешко проодна за возила.
„Кога стигнавме децата беа поклопени од покривот на импровизираната куќарка.Се обидовме да интервенираме и да ги извлечеме, но веќе беше предоцна, бидејќи децата беа починати“, раскажуваат пожарникарите за „Макфакс“.
„Пожарот беше избувнат во импровизирана куќа, до која имаше доградба и она што забележавме е многу кабли коишто висеа од сите страни и од покривот“, додаваат пожарникарите кои биле на местото на несреќата.
Првичните претпоставки се дека пожарот можел да избувне од електричната инсталација, но се чекаат резултатите од крим-техника коишто треба да посочат на причините за трагедијата.
Веднаш по пријавата за настанатиот пожар, на терен биле испратени две возила од Бит-пазар, а подоцна во интервенцијата се вклучиле уште две дополнителни возила, со цел да се спречи ширењето на огнот. Пожарникарите стравувале дека од пламените јазици ќе бидат зафатени и другите околни куќарки, кои во низа се залепени една до друга. Сепак, навреме е спречено огнот да се прошири.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски за барањето на Ковачев ВМРО-ДПМНЕ да се исклучи од ЕНП: Тоа би била добра првоаприлска шега
Премиерот Христијан Мицкоски денеска од Штип го искоментира барањето на европратеникот од ГЕРБ, Андреј Ковачев да се исклучи партијата ВМРО-ДПМНЕ од Европската народна партија.
„Не е април. Тоа би била добра првоаприлска шега“, рече Мицкоски.
Европратеникот од ГЕРБ, Андреј Ковачев за БНТ изјави дека ја информирале „Европската народна партија за однесувањето на ВМРО-ДПМНЕ“ и ќе побараат да се иницира процедура за исклучување на таа партија од ЕНП.
Македонија
Кузеска: Инцидентот со знамето е грешка на протоколот на Сиљановска, заострувањето на односите на е во интерес ниту на Софија
Влошувањето на односите со соседите ја става под знак прашање европската перспектива и оди на директно на штета на националните интереси на нашата држава, изјави портпаролката на СДСМ, Богданка Кузеска.
Според неа, неодамнешниот инцидент за време на посетата на Силјановска во Бугарија е пред се грешка на протоколот на претседателката.
„Ова незнаење на нашата дипломатија, кое очигледно Бугарија успешно го искористи, не смее да биде понатаму злоупотребувано од Владите во Скопје и Софија за ескалација на односите. Уште поопасно е доколку оваа ескалација на односите се прави тенденциозно за да се намали штетата која предизвика скандалот врз рејтингот на владеачката партија. Ако ова е целта, тогаш тоа е погрешно и ја води земјата кон уште поголеми проблеми. Бугарија исто така мора да сфати дека нејзината политика кон нас е од клучно значење за зачувување на дијалогот и дека пораките со кои се заоструваат односите не се во интерес на ниедна од страните“, рече Кузеска.
СДСМ апелира да се задржат конструктивните тонови и соработка, а преку дијалог и одговорна политика да се градат и продлабочуваат односите.
„Многу е лесно нешто да се скрши а далеку потешко да се залепи. Со жалење констатираме дека она што до сега го гледаме во надворешната политика на Владата е само во функција на одалечување на земјата од европскиот пат и враќње назад во време на конфликти. Оваа политика нема да донесе ништо добро. Затоа, повикуваме на разум, одговорност и посветеност кон реформите кои ги започнавме, бидејќи тие се единствениот пат за подобра иднина на нашите граѓани и нашата држава“, рече Кузеска.
Македонија
(Видео) Петрушевски: Љупчо дон Николовски плаќал и по 500 евра за хотел од вечер, додека земјоделците чекале да ги подобри работите
„Љупчо Дон Николовски наместо за земјоделците се борел за себе. Наместо да планира како да ги подобри условите во земјоделието, да најде пласман и да помогне на 100.000 земјоделци, тој мислел како и каде следно да патува, и колку поскап хотел да плати“, вели пратеникот на ВМРО-ДПМНЕ, Бране Петрушевски.
„Љупчо Дон Николовски кога престојувал во странство, веројатно сакал да престојува и патува со стил. Со народни пари плаќал скапи хотели и по неколку стотина евра од вечер.
Се е полесно кога си министер од СДС, пред камери зборуваш за народот и социјална правда, а зад камери јадеш скапи јадења со државни пари и спиеш по хотели со пет звезди кои чинат неколку стотина евра за вечер.
Љупчо Дон Николовски за 6 ноќевања во САД потрошил 2850 евра само за хотели.
Љупчо Дон Николовски плаќал хотелска соба по 500 евра во Њу Јорк и Вермонт, а 450 евра во Чикаго.
Во Италија во Рим Дон Николовски плаќал 300 евра за хотел од вечер.
По примерот на Бисера Антоанета и Дон Николовски се луксузирал во Виена, за две ноќевања со државни пари се платени 670 евра.
И кога патувал во соседството, како во Бугарија, Дон Николовски исто патувал луксузно, за хотел во Софија за една ноќ платил 150 евра.
Ова се министрите од СДС. Ова е Дон Николовски кој имаше десетици милиони неисплатени субвенции. Заради ова велиме дека државата е ограбена“, изјави Бране Петрушевски.