Црна хроника
Гостиварец изрешетан со автоматска пушка
Шеесет идвегодишен маж од Гостивар во понеделник изутрина бил пронајден застрелан во автомобил на улицата „ЈНА“ во Гостивар. Сторителите, како и мотивите за убиството не се познати, потврдија за Макфакс од СВР Тетово.
Утрово околу 6 часот на улицата „ЈНА“ во близина на новиот комплекс згради на кејот на Вардар во Гостивар, поточно спроти стадионот, во автомобил марка „застава 101“ со гостиварски таблички бил пронајден застрелан 62-годишниот Ф.С. од Гостивар.
Непосредно пред тоа, граѓаните што живеат во непосредна близина слушнале повеќе рафални истрели и повикале полиција по што полициски службеници веднаш излегле на пријавеното место.
Според досегашните сознанија на полицијата, непознатиот сторител или сторители откако му го попречиле патот на убиениот со контејнер, најверојатно со автоматска пушка испукале над 20 куршуми најпрво во предното стакло на автомобилот, а потоа и во телото на жртвата, по што избегале со возило.
Јавен обвинител, екипи на МВР и на СВР Тетово сé уште вршат увид на местото на настанот каде што се пронајдени празни чаури кои се предадени за вештачење.
Полицијата презема мерки за откривање на сторителот или сторителите и за утврдување на мотивите за убиството.
Инаку ова е прво убиство годинава во Гостивар. Минатата година имаше едно убиство, кога гостиварец уби двајца членови на семејство, и пет обиди за убиство./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.