Спорт
Федерер со одговор на критиките од Грета Тунберг
Тениската легенда, Роџер Федерер со внимателно избрани зборови одговори на критиките на еколошките активисти, предводени од тинејџерката Грета Тунберг околу неговиот богат спонзорски договор со банката „Кредит Свис“.
Во вторникот почна судењето на швајцарските еколошки активисти кои одбија да платат казна за играње тенис во експозитурите на „Кредит Свис“ во ноември 2018, во активност која требаше да го критикува Федерер и неговото партнерство со банката, која ја обвинуваат за инвестирање во индустријата на осилни горива.
Тунберг, 17-годишната шведска активистка, преку социјалните мрежи му порача на Федерер да „се разбуди“. Федерер, кој во Мелбурн се подготвува за Австралија опен, одговори преку соопштение.
„Предизвиците и заканите од климатските промени секогаш сум ги сфаќал многу сериозно, посебно сега кога јас и моето семејство пристигнуваме во Австралија по ужасите со пожарите. Како татко на четири мали деца и поддржувач на универзалната едукација за сите, имам голема почит кон младинските климатски активисти и благодарен сум што не туркаат сите да го испитаме нашето однесување. Мораме да ги слушаме. Посветен сум да ја искористам мојата привилегирана позиција со моите спонзори да отвориме дијалог“, се вели во соопштението на Федерер.
Федерер ќе биде првата ѕвезда на егзибицискиот турнир на арената „Род Лејвер“ во среда, покрај Рафаел Надал, Серена Вилијамс, Ник Кирјос, Стефанос Циципас, Наоми Осака и Каролине Вознијацки.
Roger Federer‘s statement regarding the protests from climate activists, asking him to break ties with Credit Suisse. #Federer pic.twitter.com/vg9Ig1EmQ7
— Simon Häring (@_shaering) January 11, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.