Црна хроника
Тинејџерка од куршум ја спасија очилата

Тинејџерка во американскиот град Сиетл имала неверојатна среќа бидејќи куршум истрелан од автомобил се одбил од нејзините очила, соопшти локалната полиција.
Шеснаесетгодишната девојка во саботата навечер заспала на каучот во дневната соба во куќата на нејзините родители, а во 21.40 часот по локално време од црн автомобил кој минал крај куќата биле истрелани неколку куршуми, соопшти портпаролот на полицијата во Сиетл, Марк Џејмисон, пренесува Reuters.
Неколку куршуми го пробиле ѕидот, а еден минал низ прозорецот, рекол Џејмисон. Еден куршум удрил во мостот на нејзините очила. Претрпела само полесни повреди, додал.
„Имала огромна среќа“, вели Џејмисон. Уште неколку лица имало во тој момент во куќата, но никој за среќа не настрадал.
Полицијата смета дека станува збор за пресметка меѓу банди, а оти девојката не била цел. Не е познато колку луѓе учествувале во пукањето, но уште никој не е уапсен, додал Џејмисон./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.