Спорт
Исланд ги „стопираше“ неверојатните Португалци (видео)
Исланд ја прекина зачудувачката низа на резултати на португалската ракометна репрезентација, победувајќи ги со 28:25 (14:12) во меч полн со пресврти за да им ги намали шансите за пласман во полуфиналето на Европското првенство.
По шокантнтите победи над Франција и Шведска, Португалците со евентуален триумф против „рибарите“ ќе беа во одлична шанса да се борат за првите две места во групата 2, но наместо тоа сега ќе мораат да чекаат „кикс“ на Словенија или Норвешка за таков пласман.
Исланѓаните имаа „атомски“ старт на мечот, во кој успеаја да поведат со шокантни 7:1, пред Португалците полека да се вратат во игра и да дојдат на -2 (12:14) по првите 30 минути. На почетокот на второто полувреме, Португалците прво израмнија, па и поведоа со 17:16, но повторно Исланѓаните предводени од Арон Палмарсон направија 5:1 серија за уште еден пресврт и водство од 21:18. Португалците уште не беа „мртви“ и успеаја да израмнат на 22:22, но немаа сили да уште еден пресврт и на крајот загубија со 26:24.
Јанус Дади Смарасон со осум гола беше најефикасен за Исланд, додека пет имаше Александер Петерсон, додека за Португалија Антонио Ареја и Мигуел Мартинс имаа по четири гола.
ЕП РАКОМЕТ 2020, 2.КОЛО, ГЛАВНА ФАЗА
ГРУПА 2
Португалија – Исланд 25:28 (12:14)
Словенија – Унгарија 16.15 ч.
Норвешка – Шведска 18.30 ч.
Табела: 1.Норвешка 4, 2.Словенија 4, 3.Португалија 2, 3.Унгарија 2, 4.Исланд 2, 5.Шведска 0
Watch the Game Highlights from Portugal vs. Iceland, 01/19/2020 pic.twitter.com/vsV6zYVZX7
— EHF EURO (@EHFEURO) January 19, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Ел Пистолеро“ го продолжи договорот со Интер
Уругвајскиот центарфор Луис Суарез ја продолжи соработката со Интер Мајами до крајот на следната сезона, потврдија од клубот од Флорида.
Тоа значи дека 37-годишниот „Ел Пистолеро“ ќе остане уште една сезона со соиграчите од славниот период на Барселона: Лионел Меси, Серхио Бускетс и Жорди Алба.
Од следната сезона Интер ќе го тренира Хавиер Маскерано, уште еден играч на Барселона (2010 до 2018), кој до неодамна раководеше со младинскиот тим на Аргентина.
Суарез минатата сезона беше најдобар стрелец на тимот со 25 гола.
Сезоната во МЛС лигата ја одбележа доминацијата на Интер со 22 победи, четири нерешени и осум порази за рекордни 74 бода, но тие не се прославија во плеј-офот, каде во првото коло, во три натпревари беа елиминирани од Атланта јунајтед.
Спорт
Нова престижна награда за „златното момче“ на Барселона
Асот на Барселона и ѕвезда на шпанската репрезентација Ламин Јамал е добитник на наградата за најдобар млад фудбалер во светот, „Златно момче“. Најдобриот млад играч во изборот „Тутоспорт“ секоја година го избира новинарско жири од 50 експерти од најзначајните европски весници.
Од можни 500 поени во гласањето, Ламин Јамал освоил 488, објави „Тутоспорт“.
Ламин Јамал доби уште една индивидуална награда, претходно беше прогласен за најдобра млад игра на Европското првенство, а потоа истата награда ја доби и на церемонијата на доделувањето на „Златната топка“.
Петит пат откако се доделува наградата таа оди на Принејскиот полуостров. Претходни лауретаи беа Сеск Фабрегас (2006), Иско (2012), Педри (2021) и Гави (2022).
Спорт
(Видео) Хаос во Белград: „Делиите“ претепале навивачи на Штутгарт
Српското министерство за внатреѓни работи се огласи по тепачката која се случи во Белград помеѓу навивачите на Црвена звезда и Штутгарт.
Тепачка се случи попладнево во близина на Зелени венац, кога навивачи на Звезда претепале дел од навивачите на германскиот тим.
Полицијата многу брзо пристигнала на местото на настанот, а повеќето од навивачите дотогаш веќе биле заминати. Но, 15 од нив се приведени во полициска станица.
Најголем дел од приведените се од Германија, а донесени се вкупно 10, а потоа е уапсен и државјанин на Србија, навивач на Црвена звезда, кој се сомничи дека учествувал во тепачката.
Дополнително, кај уште двајца навивачи од Германија биле пронајдени факел и фантомка, а приведени се еден државјанин на Босна и Херцеговина, како и еден државјанин на Швајцарија.
Novi snimak tuče Delija i navijača Štutgarta pic.twitter.com/A0am2soKGT
— FantomBeograda (@FantomBeograda) November 27, 2024
Zeleni venac, 13:10 prebijanje jednog čoveka, gomila momaka sa crnim kovid maskama, koškanja, jurnjava… čuje se i turski i nemački. Ništa mi nije jasno, kao i drugi građani umrtvljeno posmatram i grickam semenke od bundeve pic.twitter.com/W8mR76In1p
— [email protected] (@gajiczeljkoyah1) November 27, 2024