Црна хроника
Азири: Изјавата пред истражен судија ја дадов под притисок на полицијата
Точна е изјавата што ја кажав денеска пред судот, претходната ја дадов под притисок на полицијата, рече обвинетиот во случајот Монструм по контрадикторноста на неговиот исказ денеска пред судот со неговиот исказ даден пред истражен судија.
„Не можев да го издржам психичкото малтретирање. Ми велеа дека рацете им се отворени за затворат кој сакаат. Бев однесен во МВР каде ми рекоа да го кажам тоа што го кажав пред истражен судија и ми ветија дека ќе ме ослободат“ рече Азири.
Не можел да го издржи тоа што неговото семејство додека бил заштитен сведок и бил дислоциран во Кочани не знаеле каде е и побарал или да го затворат или да го ослободат.Во Кочани му стигнало писмо во кое пишувало дека ако сака да се откаже од овој статус треба повторно да даде исказ.
На истражниот судија не му се пожалил за притисоците оти се плашел да не го убијат, па потоа да кажат дека го убиле оти сакал да избега.
Остана на тврдењето дека нема никаква врска со убиството кај Смилковското езеро.
Негираше дека другите обвинети или нивните роднини му вршеле какви и да се притисоци.
Во судницата во четвртокот беше емитувана видео снимка од мај минатата година, кога Азири дава исказ пред истражниот судија.
Адвокатите реагираа дека имало делови во записникот од тој ден, што Азири не ги кажал, а биле внесени на записник.
Оваа видео снимка, како што рече обвинителката Гордана Гешковска ќе биде искористена како доказ во постапката.
Азири пред истражниот судија тврдеше дека ги чекал двајца од обвинетите на обиколницата кај Качанички пат и дека кога дошле носеле црни капи и ракавици и му кажале дека убиле човек.
Судењето за петкратното убиство кај Смилковското езеро ќе продолжи на 15 овој месец./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.