Спорт
Тај-брејк мајсторот Тим го елиминира Надал

Првиот носител на Австралија опен Рафаел Надал доживеа елиминација од турнирот. Него во четврт-финалето го победи Доминик Тим. Австриецот со оваа победа му се реваншира на Шпанецот за поразите во последните две финалиња на Ролан Гарос.
Неверојатно драматичен меч, кој траеше четири часа и 14 минути, во четврт-финалето одиграа Надал и Тим. Австриецот во четири сета 7/6, 7/6, 4/6, 7/6 го елиминира првиот носител.
Тим успеа да се справи со предизвикот Надал, иако во првите два сета Шпанецот прв успеваше да направи брејк.
Австриецот во првиот сет возврати во десеттиот гем, кога Надал сервираше за освојување на сетот, додека во вториот брејк направи во осмиот гем.
Во првите два сета Тим блекаше во тај-брејкот, во првиот сет Надал освои три, а во вториот четири поени.
Соочен со елиминација Надал заигра не се или ништо во третиот сет, упорноста му се исплатеше успеа да да му го одземе сервисот на Тим во десеттиот гем.
Вистинска драма го обележа четвртиот сет. Во раната фаза Тим направи брејк, при резултат 5:4 Австриецот сервираше за победа, меѓутоа Надал се врати на волшебен начин израмни на 5:5, а потоа сетот стигна и до 13 игра.
Надал успеа да спаси две меч топки при резултат 6:4, но немаше сили да направи уште едно чудо, Тим беше сигурен во наредните два поени со што го освои мечот.
Елиминацијата на Надал значи дека тој може да остане без првото место на АТП листата по грен-слемот во Мелбурн. Услов за тоа да се случи е Новак Ѓоковиќ да ја обрани титулата.
Тим во полу-финалето ќе игра против Александар Зверев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Олимпијакос ја освои титулата во Грција

Кошаркарите на Олимпијакос го победија Панатинаикос во финалето на грчката лига и ја освоија шампионската титула.
Невидени тензии владееја во Грција за време на финалната серија помеѓу Олимпијакос и Панатинаикос, буквално беше борба на „живот и смрт“.
Дури и сопствениците на двата тима беа вмешани во сè, а Владата на Грција речиси ја прекина финалната серија, што никогаш не се случило во историјата на грчкиот спорт.
Олимпијакос го победи Панатинаикос со 85:71 во салата „Мир и пријателството“ и ја освои шампионската титула.
Ова беше четвртиот натпревар во финалната серија, а Олимпијакос победи со 3-1, завршувајќи го најдраматичното финале во грчката историја со шампионска прослава.
Шакил Мекисик беше најефикасен со 20 поени, додека Тајлер Дорси имаше 17, Еван Фурние го заврши натпреварот со 13 поени, 6 скока и 4 асистенции, Алек Питерс имаше 11, а исто така и Никола Милутинов со 10 скока, додека Саша Везенков имаше само 2 поени, кој го повреди глуждот и беше изнесен од теренот.
Во редовите на Панатинаикос, Кендрик Нан постигна 18 поени, додека Костас Слукас постигна 11 со 2 скока и 7 асистенции, Грант додаде 10, а Хуанчо Ернангомез имаше 9 со 9 скока.
Спорт
(Видео) Мората трагичар, Португалија ја освои Лигата на нации

Португалската фудбалска репрезентација ја освои Лигата на нации за оваа година по подоброто изведување на пенали во финалето против Шпанија.
Ова е втор пат Португалците да го освојат ова натпреварување, тие беа победници на првото, а сега станаа првата репрезентација што го освоила купот двапати.
Натпреварот во регуларниот дел и по дополнителните 30 минути заврши 2:2, а Португалците пенал серијата ја добија со 5:3.
Шпанците два пати имаа предност, со головите на играчите на Реал Сосиедад, Мартин Зубименди и Микел Ојарзабал, Португалците се враќаа во натпреварот преку Нуно Мендеш и Кристијано Роналдо.
Трагичар во пенал серијата беше Алваро Мората, чии удар во четвртата серија го одбрани Диого Кошта.
За најдобар играч на завршниот турнир е прогласен левиот бек на Португалија, кој на 31.мај со ПСЖ ја освои Лигата на шампионите, Нуно Мендеш.
Спорт
Спектакл во Париз – Алкараз се врати од 0:2 спаси три меч топки и го победи Синер

Шпанецот Карлос Алкарас, во спектакуларно финале, едно од најдобрите во историјата на тенисот, успеа да ја одбрани титулата на Ролан Гарос. Алкараз, против првиот светски рекет, Јаник Синер, се врати по негативата од два сета, во четвртиот спаси три меч топки и славше победа 4:6, 6:7, 6:4, 7:6, 7:6.
Епското финале на стадионот „Филип Шатрие“ траеше пет часа и 31 минута. Пресвртна точка во мечот беше 10.гем во четвртиот сет. Синер, кој претходни ги доби првите два сета, па Алкараз намали на 2.1, имаше три меч топки, но Алкараз волшебно се извлече, нарави брејк, а потоа во тај-брејкот изедначи на 2:2.
Во решавачкиот сет, се случи брејк на Алкараз на стартот, потоа Шпанецот во 10.гем сервираше за победа, но Синер се врати избори супер тај-брејк, во кој беше прегазен од Шпанецот со 1:0.
Алкараз и Синер прв пат играа еден против друг во Гренд слем финале. Мечот во Париз беше 12, Алкараз сега води со 8:4. Шпанецот ги доби последните пет дуели.