Спорт
Јокиќ и Харден на чекор до трипл-дабл, Јанис и Леброн 30+ (Видео)
Само четири натпревари се одиграа изминатата ноќ во НБА лигата. Блескаа големите ѕвезди Јокиќ, Леброн, Јанис, Харден.
Најдобриот тим во лигата Милвоки Бакс славеа победа во дуелот со Њу Орлеанс Пеликанс 120:108. Јанис Адетокумбо забележаа 34 поени, 17 скока и шест асистенции за 33 минути колку што мина на теренот. На спротивната страна Брендон Инграм запиша 32 поени и седум скока, а Зајон Вилијамс забележа 20 поени и седум скока.
Денвер Нагетс ставија крај на страшната серија во која што беше бекот на Портланд Демијан Лилард.
Денвер го победија Портланд 127:99. Никола Јокиќ за една асистенција остана без трип-дабл. Тој натпреварот го заврши со 29 поени, 13 скока и девет асистенции. На спротивната страна Лилард постигна само 21 поен. Лилард на последните шест натпревари имаше просек од 49 поени по натпревар.
Лос Анџелес Лејкерс забележаа победа во дуелот со Сан Антонио Спарс 129:102. Леброн Џејмс беше незапирлив за Спарси, забележа 36 поени, седум скока, девет асистенции. Кај Сан Антонио се истакна ветеранот Демар Дерозан со 28 поени.
Хјустон Рокетс без многу напорт славеа победа против Шарлот Хорнетс 125:110. Џејмс Харден се врати во форма, откако на неколку дуели имаше скромна реализација. Против Хортенс тој запиша 40 поени, девет скока и 12 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Олимпијакос е финалист во Конференциската лига, за трофејот ќе игра против Фиорентина
Ривал на Фиорентина во финалето на Конференциската лига ќе биде Олимпијакос. Црвено-белиот тим ја совлада Астон Вила со 2:0 во реваншот од полуфиналето во Пиреја.
Грчкиот тим се пласираше во првото финале во натпреварување организирано од УЕФА, благодарение на Ајуб Ел Каби, кој погоди двапати во 11. и 79. минута. Репрезентативецот на Мароко во двата натпревари против Астон Вила постигна пет од шестте голови на Олимпијакос.
Домашните брзо поведоа пред своите гледачи, во 11.минута Ел Каби го прифати додавањето во шеснаесетникот, брзо реагираше и упати удар кој заврши во долниот десен агол.
Со оглед на тоа што грчкиот тим имаше 4:2 од првиот натпревар, овој резултат им одеше во прилог во текот на целиот натпревар. За нов гол се чекаше до 79.минута и повторно стрелец беше Ел Каби.
Олимпијакос за трофејот ќе се борис со ланскиот финалист Фиорентина. Финалето ќе се игра на 29.мај, на стадионот на АЕК во Атина.
Спорт
(Видео) Непобедливиот Баер израмни во 97.минута, во финалето со Аталанта
Баер Леверкузен и Аталанта ќе се борат за трофејот во Лига Европа. Вечерва, Аталанта постигна историски успех, се пласира во своето прво европско финале, откако во ревашот го победи Марсеј со 3:0. Баер ја продолжи серијата без пораз, урна рекорд стар 59 години, откако уште еднаш на волшебен начин избегна пораз. До 82.минута новиот шампион на германија губеше од Рома 0:2, на крајот со голот на Станишиќ во 97.минута избори реми 2:2. Баер нема пораз на 49 натпревар во низа.
Баер во Леверкузен доминираше против Рома, но до 82.минута не успеа да го совлада одличниот Миле Свилар кој натпреварот го заврши со 12 одбрани. Рома успеа да ја наулира негативата од првиот меч, два пати од белата точка погоди Паредес, откако аматерски пебали направија Та во 43. и Хложек во 66.минута.
Во 82.минута Манчини си постигна авто-гол, а на истекот на 97.минута Станишиќ ги постави конечните 2:2.
Баер се избори за првото европско финале по пауза од 22 години, кога играше финале во Лигата на шампионите.
Во Бергамо, Аталанта го прегази Олимпик Марсеј. По првиот меч резултатот беше 1:1, а во реваншот Аталанта славеше со 3:0. Стрелци на головите беа Лукман во 30., Руџери во 52. и Туре во 85.минута.
Финалниот натпревар во Лига Европа ќе се одигра на 22 мај во Даблин.
Спорт
Феликс во голем проблем, за Барса непотребен, во Атлетико непожелен
Жоао Феликс на лето би можел да се најде во нов проблем, Барселона не е подготвена да го купи, додека во Атлетико Мадрид никој не сака да се врати.
Извори од Мадрид денеска пишуваат дека Диего Симеоне јасно им ставил до знаење на раководството дека преговара или со Барселона или со кој било друг клуб за продажба или нова позајмица на Португалецот. Но, за прв пат се додава и дека ниту неговите соиграчи не сакаат тој да се врати во својот тим и во соблекувалната.
Очигледно, на ниту еден од играчите не му се допадна што Жоао Феликс прослави гол против нив и патем, навивачите прилично го замразеа поради тоа.
На играчите им е доста од неговото недолично однесување, веруваат дека не се вклопува во тимот и дека е премногу егоцентричен и дека и со своите квалитети не прави разлика на теренот.
Инаку, Атлетико Мадрид постави цена од 60 милиони евра, но Барселона нема намера да плати толку. Дополнително, Чави Ернандез изјави дека на позицијата лево крило повеќе би сакал Дани Олмо и Никo Вилијамс.