Спорт
Рекорден награден фонд за ЕУРО 2020
Наградниот фонд на Европското првенство во фудбал кое ќе се игра ова лето во 12 градови низ стариот континет ќе изнесува рекордни 371 милиони евра.
Сумата што ќе ја издвои УЕФА е за 70 милиони евра повисока во однос на Европското првенство одржано 2016 година во Франција. Секоја селекција што ќе игра на ЕУРО 2020 ќе добие 9,25 милиони евра.
Низ натпреварите во групите секој тим може да заработи максимално 4,5 милиони евра. Секоја победа во групата вреди 1,5 милиони, а за нерешениот резултат ќе вреди 750.000 евра.
Селекциите што ќе се пласираат во осмина-финалето ќе добијат по два милиони евра, учеството во четврт-финалето ќе биде наградено со 3,25 милиони евра, а пласман во полу-финалето ќе вреди пет милиони евра.
Новиот европски првак ќе доби 10 милиони, а финалистот седум милиони евра. Математиката вели дека новиот европски првак, доколку победи на сите натпревари може да заработи 34 милиони евра.
УЕФА ќе им подели дополнителни бонуси и на репрезентациите што нема да ја минат фазата по групи.
За споредба на последното првенство, Португалија покрај освоената титула заработи и 25,5 милиони евра, додека Франција како второпласирана доби 23,5 милиони евра.
Репрезентациите што играа во полу-финалето Германија и Велс добија 18,5 односно 18 милиони евра.
Сепак од ЕУРО 2016 најмногу пари заработила УЕФА. Од сите извори во касата на УЕФА се слеале 830 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.