Македонија
Сведок во „Насилство во Центар“ вели дека немало насоки за насилни протести пред општинската зграда
![](https://makfax.com.mk/wp-content/uploads/2018/02/nasilstvo-opstina-centar-printscreen.jpg)
Сведокот Томислав Лазаров, кој е осуден во случајот „Насилство во Центар“, а денеска сведочи за денот на протестите и што претходело на истите, пред судот рече дека како што тој известувал што се случува на седницата во Општина Центар, така се зголемувале тензиите пред бараките.
Даниела Рангелова како советник во Општина Центар немала комуникација со обвинетите во случајот, кажа Лазаров, по што дополни дека таа постојано реагирала и негодувала кога тој се обидувал да ја одолжи седницата за да не се изгласа дневен ред.
„Тоа го напоменав и во исказот во којшто наведов дека ниту еден од останатите членови на советничката група предводена од ВМРО-ДПМНЕ ниту имал ингеренции, ниту, пак, претпоставувам сакал да ги има за ваков настан. Даниела Рангелова постојано реагираше со негодување на сите мои укажувања, пренесувања на информации дека седницата треба да трае подолго за да не се усвои дневниот ред. Јас седев до неа на двете седници и имав можност колку-толку да видам со кого комуницира. Поголемиот дел од комуникациите на Рангелова беа со нејзиното семејство, но не и со лицата кои претходно ги споменав, а јас ги известував”, рече Лазаров на прашање од Рангелова дали ќе се согласи дека таа не учествувала во организација на протестите и не контактирала со Јанакиески и Божиновски.
Осудениот сведок Лазаров посочи дека немало насока од Јанакиски и Божиновски, кои ги спомена претходно, дека протестите треба да бидат насилни.
„Никој немаше добиено таква насока, во однос на партиската организираност на протестите, во ниту еден момент не беше воопшто споменато дека протестите треба да бидат и насилни“, рече Лазаров на прашање од адвокат кој дополнително кажа дека не ги познава Дарко Стојчевски, Даниел Трипуновски и Трајче Петковски, кои се обвинети во истиот случај.
За Јанакиески немал писмено известување дека е координатор на општинскиот комитет, чиј претседател во тоа време, бил самиот Лазаров.
„Мене како на претседстел освен дека сум именуван, а со тоа и член на ЦК немам друго писмено известување. Немав писмено известување за тоа кој е координатор на општински комитет. Кажав дека лично од страна на Миле Јанакиески дека тој ќе биде тоа. И кога беше направена промена на координатор, исто усно ми беше кажано. Тоа е по овие настани“, сведочеше Лазаров.
Насилствата во Општина Центар се случија во 2013 година кога група граѓани се собраа пред општината за наводно да ја одбранат изградбата на црквата „Свети Константин и Елена“. За овој случај беа објавени и прислушувани разговори во кои се слушаше како тогашниот премиер Груевски нарачува шлаканици за градоначалникот на Центар, Андреј Жерновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
109 санкционирани возачи во Скопје
![](https://makfax.com.mk/wp-content/uploads/2023/05/policija-mvr-3.jpg)
Во Скопје вчера се изречени вкупно 109 мерки, меѓу кои за возење без возачка дозвола 14 санкции, четири мерки за користење на мобилен телефон при управување, 28 санкции за прекршоци што ги чинат возачите на мотоцикли, четири мерки за некористење на сигурносен појас, информира МВР во дневниот извештај.
Сообраќајните контроли продолжуваат и во наредните денови.
Се апелира до граѓаните да ги почитуваат сообраќајните правила и прописи за зголемена безбедност во сообраќајот и придонес за посигурни патишта.
Македонија
Воведен е летен сообраќаен режим за движење на камиони
![](https://makfax.com.mk/wp-content/uploads/2023/08/kamioni-granica.jpg)
Од вчера, па се до 31 август на државните патишта во Македонија воведен е летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.
Македонија
Променливо облачно, во текот на денот на повеќе места ќе биде нестабилно со пороен дожд и грмежи, локално во форма на невреме
![](https://makfax.com.mk/wp-content/uploads/2017/05/oblacno-2.jpg)
Времето денеска ќе биде променливо облачно, во раните утрински часови со услови за изолирана појава на краткотраен пороен дожд, грмежи и засилен ветер.
Во текот на денот на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер (над 70 км/час) и град. Минималната температура ќе биде во интервал од 14 до 23, а максималната ќе достигне од 27 до 35 степени. UV=7
Во Скопје, ќе биде променливо облачно со повремен пороен дожд и грмежи, во делови од котлината во форма на невреме со интезивен пороен дожд, силен ветер (над 70 км/час) и град. Услови за краткотраен пороен дожд, грмежи и засилен ветер ќе има и во раните утрински часови. Минималната температура ќе се спушти до 20, а максималната ќе достигне до 31 степен.
Во среда и во четврток времето ќе биде променливо облачно и посвежо со повремен пороен дожд и грмежи и ќе дува умерен до засилен северен ветер. Потоа се очекува стабилно и потопло време.