Најмалку илјади Палестинци загинале а околу шест илјади се ранети, најмногу цивили, во Појасот Газа од почетокот на израелската офанзива од 8-ми јули, додека шефовите на дипломатиите на седумте земји собрани во Париз повикаа на продолжување на примирјето за уште 24 часа, а во меѓувреме израелската армија соопшти дека го продолжува прекинот на огнот за уште четири часа, до 24 часот по локално време, односно 23 по средноевропско.

„Прекинот на огнот е продолжен за четири часа, до полноќ“, напиша портпаролот на израелската армија на Twitter. Министерот Јувал Стејниц ја потврди информацијата за израелската телевизија дека Израел „сака да го гаѓа Хамас, но не и палестинските цивили, и сака да ја избегне хуманитарната катастрофа“.Пред истекувањето на привично договорениот 12-часовниот прекин на огнот палестинско исламистичко движење Хамас кое од 2007 година раководи со палестинската енклава Појасот Газа, сѐ уште не реагираше на барањето на меѓународната заедница којашто бараше да биде продолжено за уште 24 часа примирјето коешто започна во саботата наутро во 8 часот по локално време. Бројот на палестинските жртви би можел да расте во текот на денот, имајќи предвид дека во текот на 12-часовното примирје постојано се извлекуваат од урнатините во неколку области на Појасот Газа разорени од израелските тенковски воздушни бомбардирања, а според палестинските болнички извори бројот на жртвите надминува илјада. На израелска страна 37 војници загинаа во офанзивата „Линија на одбраната“ (Нескршлива карпа), додека во палестинските ракетирања на израелските јужни области загинаа двајца цивила и еден работник од Тајланд. Министрите за надворешни работи на Франција, Велика Британија, Германија, Италија, Турција и Катар заедно со американскиот државен секретар Џон Кери во саботата во Париз повикаа на продолжување на примирјето во Газа меѓу Израел и Хамас, Министерската средба „овозможи да се утврдат заеднички појдовни моменти за меѓународното дејствување за воспоставување на примирјето во Газа. Сите ги повикуваме страните 12-часовното хуманитарно примирје кое во моментов е на сила, да биде продолжено на 24 часа со можност за натамошно продолжување“, изјави шефот на француската дипломатија Лорен Фабиус по средбата.„Сите сакаме што поскоро да постигнеме трајно примирје, Трајното примирје како резултат на преговорите кои воено ќе им одговараат на легитимните израелски безбедносни потреби и на легитимните палестински потреби што се однесува до слободата на движењето и социјално-економскиот развој“, додаде Фабиус, пренесува AFP.„Што се однесува до Израел, нема причини на народот во Газа да не му дозволиме да о обнови резервите, сѐ додека војската може да работи на откривањето на тунелите (кои од длабочината на палестинската територија се прокопани под граница и водат кон јужен Израел – з.р.). Ние не војуваме против населението“, изјавил за Reuters изјавил израелски функционер кој не сакал да го открие да го открие идентитет. Израелската армија го прифаќа примирјето само под услов да може слободно да ја продолжи потрагата по тунелите кои и користат палестинските милитанти./крај/мф/сн

Извор: AFP/Reuters