Македонија
(Видео) Костадинов: Собранието со 80 пратенички гласа покажа дека е за силна правна држава и европска иднина
Извршителот Христијан Мицкоски не успеа во својата намера да го блокира законот за ЈО. Победи правдата! Собранието со 80 пратеници покажа дека е за силна правна држава, за владеење на правото и за одговорност за сите, изјави портпаролот на СДСМ, Костадин Костадинов.
„Собранието со 80 пратенички гласа покажа дека е за европска иднина на нашата држава. За нас е од огромно значање што само 6 пратеници се изјаснија против гласаа против законот за ЈО. Недвосмислено покажавме дека сакаме правна држава и дека ги почитуваме законите на Република Северна Македонија.
Законот за јавно обвинителство којшто Собранието денеска го усвои гарантира дека сите судски предмети кои произлегоа од СЈО ќе имаат правна завршница, а постапките за овие процеси ќе бидат професионални, фер и базирани на докази.
Усвојувањето на Законот за јавно обвинителство значи и огромен придонес кон европската перспектива на државата и приближувањето до ЕУ. Денеска ќе гласаме и за распуштање на Собранието и на 12 април да одиме на предвремени парламентарни избори.
Ги почитуваме законите и го почитуваме она што е договорено. Тоа го покажавме и до сега. Иако до овој момент сеуште немаме предлог од ВМРО-ДПМНЕ за министер за труд и социјална политика подготвени сме да дадеме шанса и да пружиме рака.
Оставаме простор и ги повикуваме ВМРО-ДПМНЕ да достават предлог и веднаш да гласаме за министер за труд и социјална политика,за да немаат никакво алиби за бегање од предвремени парламентарни избори“ рече Костадинов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На полноќ настапува молк пред вториот круг од претседателските и парламентарните избори
На полноќ завршуваат кампањите за вториот круг од претседателските избори и за парламентарните.
Кампањата за претседателските избори започна веднаш по првиот круг од изборите, додека дваесетдневната кампања за парламентарните избори на 18 април.
На полноќ започнува молкот пред изборите, кој завршува со затворањето на гласачките места на 8 мај во 19 часот.
Македонија
Во мај уште еден продолжен викенд
Денеска се одбележува вториот ден на Велигден според православниот календар и е неработен за сите граѓани на земјава.
Овој месец ни престои уште еден неработен ден, а тоа е 24 мај (петок) кога се одбележува „Св. Кирил и Методиј“ – Ден на сесловенските просветители.
За граѓаните од православна вероисповед неработен ќе биде 21 јуни (петок), Духовден, петок пред Духовден.
На 23 мај (четврток) се одбележува Националниот ден на Власите и ќе биде неработен за припадниците на оваа националност, додека 16 јуни (недела) муслиманите во земјвата ќе го слават Курбан Бајрам, а неработен ќе биде првиот ден на Курбан Бајрам.
Македонија
СДСМ: Граѓаните масовно да излезат на изборите на 8 ми мај, се одлучува за иднината
СДСМ ги повикува граѓаните масовно да излезат на изборите на 8 ми мај и да гласаат за Стево Пендаровски за претседател и за пратеничките листи на СДСМ и Коалицијата за европска иднина.
„На 8 мај се одлучува за иднината. Во овој клучен момент државата се наоѓа на крстопат. На една страна е враќање назад кон изолација, конфликти, меѓуетничка нетрпеливост и внатрешни поделби со ДПМНЕ. А на другата, продолжување напред, кон прогресот и просперитетот на Македонија во ЕУ, со СДСМ и Коалицијата за европска иднина“, дополнуваат од СДСМ.
Според нив, на 8 мај постои само една социјалдемократска опција, само една лева прогресивна опција која се вика СДСМ.
„Граѓаните со моќта на својот глас можат да кажат стоп за враќањето во кошмарното минато на поделби и тензии и да испратат јасна и гласна порака на сите ретроградни сили дека во Македонија живеат прогресивни луѓе, кои сонуваат за подобра европска иднина за себе и своите деца“, завршуваат од СДСМ.