Спорт
ЛЕ: Ериксен со деби-гол за победа на Интер, Јунајтед само со реми во Бриж (видео)
Кристијан Ериксен го постигна својот прв гол во дресот на Интер, за да ги предводи „нераѕурите“ до 2:0 победа на гостувањето кај бугарски Лудогорец во Лига Европа, додека Манчестер јунајтед се враќаше за 1:1 реми на гости кај Клуб Бриж.
Ериксен доби убава асистенција од Ромелу Лукаку во 71. минута, за Интер, конечно, да го скрши отпорот на бугарскиот шампион во Разград, за обезбедување на помирен реванш во Милано. Лукаку во 94. минута го удвои водството на Интер со гол од белата точка.
Манчестер јунајтед пак, во Белгија, прими гол уште во 15. минута преку Емануел Денис, откако потфрли цела одбрана на „ѓаволите“, а голманот Ромеро беше излезен надвор од шестнаесетникот. Антони Марсијал во 36. минута израмни на 1:1, а и покрај шансите на двете страни, резултатот остана тој по 90 минути.
Хетафе со 2:0 успеа да го совлада минатогодишниот полуфиналист од ЛШ Ајакс во Шпанија, додека работата најверојатно уште по првиот меч ја заврши Ајнтрахт Франкфурт со убедлива 4:1 победа над Салцбург. Севилја во финишот на мечот успеа да израмни на 1:1 на гостувањето кај Клуб Бриж, додека Спортинг Лисабон со 3:1 го совлада Башакшехир.
ЛИГА ЕВРОПА, 1/16 ФИНАЛЕ, 1.МЕЧ
ЦФР Клуж (Ром) – Севилја (Шпа) 1:1
Клуб Бриж (Бел) – Манчестер јунајтед (Анг) 1:1
Ајнтрахт Франкфурт (Гер) – РБ Салцбург (Авт) 4:1
Копенхаген (Дан) – Селтик (Шко) 1:1
Хетафе (Шпа) – Ајакс (Хол) 2:0
Лудогорец (Буг) – Интер (Ита) 0:2
Шахтјор Доњецк (Укр) – Бенфика (Пор) 2:1
Спортинг Лисабон (Пор) – Башакшехир (Тур) 3:1
Christian Eriksen scores his first goal for Inter to put them up 1-0 late in match pic.twitter.com/GTIRI5E4TC
— cooms (certified gambler) (@betwithcooms) February 20, 2020
ЛУДОГОРЕЦ – ИНТЕР
БРИЖ – МАНЧЕСТЕР ЈУНАЈТЕД
СПОРТИНГ – БАШАКШЕХИР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.