Спорт
Фјури го „смачка“ Вајлдер во седум рунди! (видео)

Тајсон Фјури го имаше својот најдобар меч во боксерската кариера, за повторно да стане светски шампион во бокс, нокаутирајќи го Дионтеј Вајлдер во седмата рунда од римечот во Лас Вегас.
Британецот го „здроби“ својот ривал на начин на кој малкумина очекуваа по ремито во 2018 година, праќајќи го на подот во третата и петтата рунда, поигрувајќи се со човекот кој многумина го сметаа за боксерот со најмоќен нокаут на светот.
Публиката во „МГМ Арената“ во Лас Вегас не можеше да верува кога Фјури со комбинација го прати Вајлдер на подот во третата рунда, а Фјури направи сѐ што ветуваше – менувајќи го својот стил со избегнување удари за вистинска доминација до седмата рунда.
Со оваа победа, Фјури станува шампион првпат од 2015 година, кога го шокираше светот со победа над Владимир Кличко, освојувајќи го ВБЦ појасот. Сега, тој има договор за трет меч со Вајлдер, иако многумина би сакале британска пресметка за апсолутната титула во тешка категорија со Ентони Џошуа.
„Им кажав на сите дека ’Џипси кинг’ ќе се врати на тронот. Ме отпишаа по последниот меч, но јас сум човек од збор. Му кажав и на Вајлдер дека одам на нокаут. Јас зборувам вака бидејќи имам позадина. Очекувам трет меч со Вајлдер, бидејќи е воин и знам дека ќе ме чека“, вели Фјури.
Tyson Fury ?? stops Deontay Wilder and becomes the best Heavyweight in the world ? ? #WilderFury2 pic.twitter.com/qH5SSeOe72
— shezi_media (@Shezi49814476) February 23, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонија ја задржа 67. позиција на ФИФА-листата

Фото/ ffm.mk
Светската фудбалска федерација (ФИФА) ја објави најновата листа, на која Македонија ја задржа позицијата од претходното рангирање. Листата ја предводи Аргентина, пред Шпанија, која на второто место ја мина Франција.
Македонија минатиот месец ги започна квалификациите за пласман на Светсктоо првенство. Забележа победа над Лихтенштајн и ремизираше со Велс. На најновата листа Македонија го задржа 67.место.
Од конкуренте во групата Ј за пласман на Светското првенство најдобро рангирана е Белија, на осмото место. Следуваат Велс (29), Казахстан (113) и Лихтенштајн (2025).
Спорт
(Видео) Галатасарај го „испратија“ Мурињо во лудница

Тренерот на Фенербахче, Жозе Мурињо е во центарот на вниманието по дербито против Галатасарај.
Мурињо го загуби четвртфиналниот меч од Купот (2:1), но и нервите, па во метежот што се случи по завршувањето на натпреварот му пријде на колегата Окан Бурук и го фати за нос, по што тренерот на Галатасарај се струполи на тревата.
На официјалниот профил на Галатасарај е објавено анимирано видео во кое главниот лик е португалскиот стручњак.
Мурињо прво одржува конференција за медиумите, ги споменува ривалите и картоните, аа потоа и противничките играчи.
Се завршува со сцена во која Мурињо се буди во психијатриска болница, завиткан во лудачка кошула.
Да потсетиме, Мурињо од минатото лето е тренер на Фенербахче.
Galatasaray delirtir. pic.twitter.com/8EzHuxgq4e
— Galatasaray SK (@GalatasaraySK) April 2, 2025
Спорт
Лосон шокиран од одлуката на Ред Бул

Возачот од Нов Зеланд, Лиам Лосон изјави дека е шокиран од одлуката на Ред Бул да го испрати во сестринскиот, Расинг Булс, и да го замени со Јапонецот Јуки Цунода.
Јапонскиот возач ќе биде нов тимски колега на актуелниот холандски шампион Макс Ферстапен во Ред Бул.
Лосон ќе вози со Исак Хаџар од Франција во тимот на Рејсинг Булс. Лосон пред почетокот на сезоната го замени Мексиканецот Серхио Перез во тимот на Ред Бул.
„Дефинитивно е шок, искрено. Не го очекував тоа. Мислам дека разговорите што ги водевме не одеа во таа насока, па дефинитивно е нешто што не го очекував“, изјави Лосон.
Лосон не ја заврши трката за ГН на Австралија, додека заврши на 12-тото место на Големата награда на Кина.
„Посакувам да имав повеќе време. Мислам дека со повеќе време, особено на патеките на кои не сум бил… тоа беше тежок почеток. Имавме тешки тестови, тежок прв викенд во Мелбурн, а потоа Кина и спринт. Мислам дека на местата каде што сум бил, со автомобил кој е прилично незгоден, би се покажал, штета што не ја добив таа шанса. Но очигледно ова не беше моја одлука, сега треба да го извлечам најдоброто од сезоната“.
Следната трка во Ф1 шампионатот ќе се вози на 6 април на Големата награда на Јапонија во Сузука.