Македонија
Без вода делови на Центар и Гази Баба
![](https://makfax.com.mk/wp-content/uploads/2017/09/tetovo_bez_voda_0.jpg)
Од ЈП „Водовод и Канализација“ известија дека заради дефект на приклучна цевка од Ф-1 „цол“ на ул. „Људевит Гај“ бб во населба „Центар“, денеска прекинато водоснабдување ќе имаат корисниците од ул. „Људевит Гај“, дел од „Дебарца“ и „Раде Кончар“, и сите кафеани во „Идадија“. Водоснабдувањето ќе биде прекинато од 08:00 часот до санирање на дефектот (Општина Центар).
Исто така, заради дефект на два затворача од Ф-125мм на ул. „Јужноморавски Бригади“ 61-б, во населба „Ченто“, денеска прекинато водоснабдување ќе имаат корисниците од ул. „Јужноморавски Бригади“, „Жеглане“, „Сречко Пужалка„, а со намален притисок ул. „Фуштанска“. Водоснабдувањето ќе биде прекинато од 09:00 часот до санирање на дефектот (Општина Гази Баба).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Средба Филков – Коцевски: Во фокусот недостигот на човечки ресурси и унапредување на владеењето на правото
![](https://makfax.com.mk/wp-content/uploads/2024/07/10-1.jpg)
Министерот за правда, Игор Филков, оствари средба со јавниот обвинител на Република Северна Македонија Љупчо Коцевски, на која имаше дискусија за тековните активности на двете институции.
Обвинителот Коцевски ги презентира состојбите и предизвиците со кои се соочува Јавното обвинителство, особено во сферата на дигитализацијата, недостигот на човечки ресурси како од редот на обвинителите така и стручната служба, кои со години стојат непополнети.
Министерот Филков изрази подготвеност во рамките на своите надлежности да даде поддршка на активностите на Јавното обвинителство во перидот што претстои, со цел унапредување на владеењето на правото во државата.
Скопје
Кисела Вода станува паметна општина: почнува имплементацијата на проектот за паметно улично осветление
![](https://makfax.com.mk/wp-content/uploads/2024/07/kisela-voda-svetlo.jpg)
Советот на Општина Кисела Вода ја поддржа одлуката за имплементација на физибилити-студијата за модернизација на јавното осветление во Кисела Вода. Оваа инсталација на паметни светилки на територијата на целата општина ќе овозможи паметно и штедливо управување со електричната енергија и сузбивање на досегашните чести проблеми со уличното осветление поради застарената и дотраена мрежа.
Целосната имплементација на проектот овозможува и бесплатни вај-фај зони на територијата на општина Кисела Вода, полначи за електрични автомобили, како и информативни дигитални дисплеи. Ова, потенцира градоначалникот Ѓорѓиевски, се крупни чекори што водат до зацртаната цел – Кисела Вода да стане целосно паметна општина, и тоа првата во Македонија.
„Денес, Советот на општина Кисела Вода ја донесе одлуката за имплементација на физибилити-студијата за модернизација на јавното осветление во Кисела Вода, која ќе донесе огромни придобивки за сите наши жители. Имено, се работи за инсталација на паметни светилки на територијата на целата општина со нова технологија, која има цел паметно и штедливо управување со електричната енергија. Дополнително, со ова заминуваат во историјата проблемите со уличното осветление бидејќи онаа стара, нефункционална и дотраена мрежа комплетно ќе биде променета. Ако се земе предвид дека уличната мрежа придонесува со огромен процент на сметките за електрична енергија, со оваа нова технологија, која набргу почнуваме да ја инсталираме, сметките значително ќе бидат намалени овозможувајќи значајни придобивки за нашите жители. Овој проект исто така, со неговото комплетно имплементирање, подразбира и бесплатни вај-фај зони на територијата на нашата општина, полначи за електрични автомобили, како и информативни дигитални дисплеи.
Во рамките на ова морам да нагласам дека претходно ги опремивме и сите училници и кабинети во основните училишта со смарт уреди, што даде огромен придонес во поквалитетно образование на нашите дечиња. Ваквите проекти не запираат, продолжуваме и понатаму сè до нашата зацртана цел – а тоа е Кисела Вода да стане целосно паметна општина, и тоа првата во Македонија“, изјави градоначалникот Орце Ѓорѓиевски.
Македонија
На Табановце за влез и излез од државата се чека до еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце времето на чекање за влез и излез од државата е околу 45 минути до 1 час. На другите гранични премини од македонска страна нема подолги задржувања за влез и излез од државата.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Од 1 јули до 31 август на државните патишта во Македонија се воведува летен привремен режим на сообраќај, со кој се забранува движење тешки товарни возила со вкупна маса над 15 тони за време на деновите од викендот и за денови при екстремно високи температури.
Термините се следни:
– петок од 17 до 22 часот,
– сабота од 9 до 18 часот и
– недела од 9 до 22 часот.
На магистралниот пат А2 делница: Скопје – Охрид – Скопје се забранува движење тешки товарни возила, чија вкупна маса преминува 7,5 тони за време на викендите, и тоа во следните интервали:
– петок од 15 до 22 часот,
– сабота од 7 до 12 и од 18 до 24 часот и
– недела од 7 до 22 часот.