Црна хроника
Доживотен затвор за гостиварскиот полицаец Трифуновски за убиството на две албански момчиња
Гостиварскиот Основен суд во петокот пресудил казна доживотен затвор за поранешниот полицаец Јаким Трифуновски кој минатата година застрела две момчиња во Гостивар, Бесник Шехапи и Имран Мехмеди.
Во образложението на пресудата, претседателот на Кривичниот совет, Бранко Секулоски го прогласи Трифуновски за виновен за убиство со умисла. Според пресудата, по вербалната расправија и физичката пресметка меѓу полицаецот со сега покојните, се разделиле, а Трифуновски го зел пиштолот од автомобилот и ги застрелал.
Судијата ја зел во предвид младоста на убиените и кривичната пријава за насилство што била претходно поднесена против полицаецот.
Во текот на судскиот процес, Трифуноски се бранеше дека бил нападнат и сакал да си го заштити својот и животот на малолетната ќерка.
Убиството се случи на 28-ми февруари минатата година на паркинг во Гостивар, кога Трифуновски кој не бил на работна задача со службениот пиштол ги застрела Бесник Шехапи и Имран Мехмеди
По убиството во јавноста имаше повеќе верзии зошто се случило, дека се скарале за паркинг место и дека полицаецот пукал во самоодбрана за да ја заштити својата ќерка која беше со него.
Роднините на убиените, пак, тврдеа убиството било извршено ладнокрвно и дека полицаецот бил насилен. Трифуновски и претходно имал други кривични пријави за насилство.
Семејството на Трифуновски се наоѓа под полициска заштита надвор од Гостивар. По убиството во Гостивар беа организирани демонстрации во кои настрадаа објекти во сопственост на Македонци./крај/мф/см
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.