Македонија
Филипче: Не очекувам ништо друго, освен лажни вести од ВМРО-ДПМНЕ
Министерот за здравство, Венко Филипче, вели дека ги следи обвинувањата од ВМРО-ДПМНЕ, кои со денови известуваат за сомнителни тендери и имот во сопственост на семејството на неговата сопругата. Вели дека обвинувањата се лажни.
„Ги следам обвинувањата од опозицијата и можам да кажам дека се класични лажни вести. Дека некој го следел имотот на мојата сопруга уште од 2012/2013 година, не сега, внимавајте, не е ништо друго, освен создавање лажна слика за која практично не знаеме што зборуваме. Тоа е целта на ВМРО-ДПМНЕ – да се зборува за нешто што не е затоа што немаат сериозни аргументи да зборуваат за достигнувањата на Владата, во секторот здравство и така натаму. Нашите достигнувања во секторот ги признаваат и колегите што се во ВМРО-ДПМНЕ. Во неофицијална комуникација се извинуваат што мора да ги читаат памфлетите, па после тоа да имаме пријателски и добронамерни разговори“, рече министерот Филипче одговарајќи на новинарски прашања по редовното информирање за состојбата со коронавирусот.
Рече дека не очекува ништо друго од ВМРО-ДПМНЕ, освен лажни вести и лажни обвинувања.
„Ништо не може да се очекува од таква опција која не нуди ништо сериозно за нашата држава. Не постои неврохирург од развиена западноевропска земја што крпел глави на повредени лидери на политичка партија поради тоа што некој друг сакал да им го оздеме животот. Такви колеги јас не сум сретнал, а ние тоа го имавме во нашиот парламент. Таква опција нема да се врати во нашата земја. Тие ќе продолжат и понатаму со лажни вести и обвинувања, смешни се обвинувањата. Ние продолжуваме понатаму со нашите политики“, рече Филипче.
„Ниту Министерството ниту, пак, министерот нема одговор како тоа семејството на министерот Филипче, односно најблиското семејство на неговата сопруга, има заеднички имот и инвестиции со човек чија фирма од Министерството за здравство и сите институции под ова Министерство има добиено тендери вредни над седум милиони евра“, рече денес Наум Стоилковски, портпарол на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„14 пратеници“, обзнанија Таравари и Хасани: Коалицијата „Вреди“ добила пратеник повеќе во однос на Европскиот фронт по прегласувањето
По прегласувањето на избирачко место во Општина Желино, кое е во рамки на изборната единица 6, според претставникот на „Вреди“, Башким Хасани, коалицијата „Вреди“ добила близу 500 гласа, а за „Европскиот фронт“ гласале 48 избирачи.
Коалицијата „Вреди“ доби еден пратеник повеќе за сметка на пратеник на „Европскиот фронт“ со прегласувањето во шестата изборна единица, изјави Хасани.
„Кога се гласа без притисоци, без кражби и без многу манипулации резултатот е тој, или во случајов, коалицијата ‘Вреди’ го добива 14 пратеник“, рече претставникот на коалицијата „Вреди“.
Според податоците на Државната изборна комисија (ДИК) за излезеноста на седумте избирачки места на кои денеска имаше прегласување за парламентарните избори, на избирачкото место во Општина Желино, едиствено на кое се прегласува во шестата изборна единица, до 18:30 часот гласале вкупно 546 избирачи.
Претставниците на Коалицијата „Вреди“ Арбен Таравари и Башким Хасани на социјалните мрежи го напишаа бројот 14 со што алудираат на уште еден пратеник во коалицијата.
Коалицијата „Вреди“ на парламентарните избори на 8 мај, имаше 13 пратеника, а коалицијата „Европски фронт“ предводена од ДУИ доби 19 пратенички мандати.
Македонија
55,10 проценти била излезноста, на половина час пред затворањето на гласачките места соопшти ДИК
Од вкупно запишани 4.514 гласачи на седумте избирачките места на кои се прегласува за Парламентарните избори, до 18.30 чaсот гласале 2.487, односно 55,10 отсто, соопшти Државната изборна комисија
Во ИМ 2101 во Желино гласале 546 гласачи односно 54,98%.
Во ИМ 1194 во Крушево, гласале 325 гласачи односно 69,30%.
Во ИМ 1202 во Крушево, гласале 99 гласачи односно 33,22%.
Во ИМ 1272 во Охрид, гласале 356 гласачи односно 50,07%.
Во ИМ 1470 во Долнени, гласале 365гласачи односно 55,47%.
Во ИМ 1470/1 во Долнени, гласале 324 гласачи односно 51,27%.
Во ИМ 1844 во Струга, гласале 472 гласачи односно 62,68%.
Во споредба со гласањето на 8 мај 2024, до 18:30 часот, на ова прегласување била забележана зголемена излезеност за 1,08% на овие избирачки места.
Македонија
Левица: Осквернавено срцето со македонското знаме во Гостивар
Пред неколку дена, по повод Денот на македонското знаме, 15 мај, како и по повод 24 Мај – празникот на сесловенските просветители, браќата Кирил и Методиј, срцето од натписот со името на градот Гостивар беше симболично променето во македонското знаме со букви на глаголично и кирилично писмо, се истакнува во реакцијата на Левица.
„Но, за жал, можеби, и очекувано во ситуација на континуирана необалистичка реторика од страна на политичките партии од страна на т.н „албанскиот блок“, срцето на кое во понеделникот беа насликани македонското знаме и букви од кирилицата и глаголицата е осквернавено со илустрации и графити кои се со екстремно навредлива содржина.
Сквернавење кое, дури и да не е извршено од нив, претставува директна последица на големоалбанската и антимакедонската пракса, на целосно непочитување на државните македонски инсигнии (Знаме, Грб и Химна), како и глорификација на инсигниите на фашистичката творба – Голема Албанија која е практикувана од страна на т.н. „албанската“ политичка елита“, велат од оваа партија.
Ја потсетуваат јавноста дека политичката партија Левица во својата програма се залага за: воведување на Државен инспекторат за инсигнии кој ќе биде надлежен за контрола и надзор над правилната употреба на државните симболи (грбот, знамето и химната) од страна на државните органи, општините и приватните субјекти.