Европа
Поради страв од коронавирусот, политичарите смислуваат нови начини на ракување
![](https://makfax.com.mk/wp-content/uploads/2020/03/pens-rakuvanje-korona-1.jpg)
Целиот свет е во состојба на паника поради ширењето на коронавирусот. Повеќе од 3.000 луѓе починаа, а речиси 100.000 се заразени во светски рамки.
Стравот е оправдан, а последниве денови се забележува дека дури и на политичарите и на другите државни претставници не им е сеедно кога треба да се појават во јавност, па затоа некои смислуваат необични начини на поздравување.
Потпретседателот на САД, Мајк Пенс, вчера се сретна со гувернерот до Вашингтон, а двајцата се поздравија со подлактниците.
Американските медиуми објавија многубројни фотографии на кои се гледа дека Пенс разменува ваков необичен поздрав со неколку официјални лица поради стравување од коронавирусот.
Меѓутоа, Пенс не е единствениот. Германскиот министер за внатрешни работи, Хорст Зехофер, одби да се ракува со канцеларката Ангела Меркел.
No more #handshakes?
Angela Merkel was refused a #handshake by German Interior Minister Horst Seehofer on Monday, as German officials struggle with a rapidly growing outbreak of #coronavirus in the country.
“That was the right thing to do,” said Merkel afterwards. pic.twitter.com/oYySpPU6GS
— DW Politics (@dw_politics) March 2, 2020
На кусиот клип се гледа како Меркел се приближува кон Зехофер и му подава рака, а германскиот министер сигнализира дека не е заинтересиран поради што луѓето околу нив почнаа да се смеат.
Британската кралица Елизабета Втора пред некој ден носеше ракавици на собир во Бакингемската палата, па дури и наздравуваше со луѓето без да ги извади.
Израелскиот премиер, Бенјамин Нетанјаху, престана да се ракува за време на предизборната кампања минатата недела, што се смета за сигнал за зголемена загриженост меѓу израелските претставници од избувнување на епидемија од коронавирусот.
תיעוד: נתניהו מסרב (בנימוס) ללחוץ ידיים לנוכחים במערת המכפלה בשל החשש מנגיף הקורונה pic.twitter.com/rb9kCInUMs
— מיכאל שמש Michael Shemesh (@shemeshmicha) February 24, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Столтенберг: НАТО беше однапред информиран за одењето на Орбан во Москва
![](https://makfax.com.mk/wp-content/uploads/2024/06/stoltenberg.jpg)
Генералниот секретар на НАТО, Јенс Столтенберг, денеска изјави дека алијансата била однапред информирана за заминувањето на унгарскиот премиер, Виктор Орбан, во Москва на разговори со рускиот претседател, Владимир Путин.
Столтенберг на самитот на НАТО истакна дека Орбан патува во својство на премиер на Унгарија и дека нема да го претставува НАТО, чиј член е Унгарија, во Москва, пренесува „Ројтерс“. Орбан рано денеска пристигна во Москва и по пристигнувањето рече дека со оваа посета ја продолжува мировната мисија откако неодамна го посети Киев, каде што разговараше со украинскиот претседател, Володимир Зеленски.
Столтенберг рече и дека НАТО работи на подготовка на Украина за приклучување кон алијансата.
„Сè што правиме, правиме за да ја направиме Украина посилна и поподготвена да се приклучи на нашиот сојуз“, рече тој додавајќи дека очекува земјите членки да обезбедат повеќе воздушна одбрана и муниција на Украина.
Столтенберг додаде дека Украина треба да одлучи, кои се прифатливите услови за мировни преговори. Од друга страна, според него, нема индиции дека Путин е подготвен за мир.
Европа
Кир Стармер официјално назначен за нов премиер на Обединетото Кралство
![](https://makfax.com.mk/wp-content/uploads/2024/07/Screenshot-2024-07-05-141137.jpg)
Британскиот крал Чарлс денеска му го довери мандатот за формирање на новата влада на Велика Британија на лидерот на Лабуристичката партија, Кир Стармер, по убедливата победа на неговата партија на парламентарните избори.
Назначувањето на Стармер за премиер беше потврдено од Бакингемската палата.
„Кралот го прими уважениот Кир Стармер и побара од него да формира нова влада. Стармер ја прифати понудата“, соопшти Бакингемската палата, пренесува „Гардијан“.
По Бакингемската палата, Стармер се упати кон Даунинг стрит, каде што се наоѓа седиштето на британската влада. На општите избори во ОК, Лабуристичката партија освои 410 од 650 места во долниот дом, со што стави крај на 14-годишната влада предводена од конзервативците.
Претходно денеска, сега веќе поранешниот премиер Риши Сунак му поднесе оставка на кралот Чарлс.
Европа
Сопругата на шпанскиот премиер на суд под обвинение за корупција и вршење влијание
![](https://makfax.com.mk/wp-content/uploads/2024/07/begona-pedro-sancez.jpg)
Бегона Гомез, сопруга на шпанскиот премиер Педро Санчез, денеска се појави пред судот во Мадрид за да одговори на прашања поврзани со наводите за корупција и вршење влијание во случајот поради кој нејзиниот сопруг размислуваше да поднесе оставка во април.
Сослушувањето в петок е дел од прелиминарната истрага за тоа дали Гомез ја злоупотребила својата позиција како сопруга на премиерот за да влијае на своите деловни активности, соопшти судот пред сослушувањето.
Ниту Гомез ниту нејзиниот адвокат не разговараше со новинарите надвор од судницата пред Гомез да се појави зад затворени врати пред судијата, кој по неколку минути го одложи рочиштето за 19 јули.
Гомез јавно не го коментира случајот, но Санчез постојано остро ги отфрли обвинувањата против неговата сопруга велејќи дека тие се неосновани и оркестрирани од неговите десничарски политички ривали.