Македонија
(Видео) Шилегов го посети новиот центар за ран детски развој лоциран во катната гаража „Беко“
По повод Европскиот ден на логопедијата, градоначалникот Шилегов денеска го посети новиот Центар за ран детски развој, кој со помош на Град Скопје го отвори Сојузот на специјалните eдукатори и рехабилитатори, во соработка со УНИЦЕФ.
Во овој центар, кој е лоциран во катната гаража „Беко“, се врши процена на потребите на децата за рехабилитација и процена на потребите на нивните семејства за поддршка, индивидуална и групна работа со деца (третмани и интервенции) и индивидуална и групна работа со родители, односно давање психосоцијална поддршка.
Услугите во Центарот може бесплатно да го користат деца до 6-годишна возраст, кои имаат развојни задоцнувања, односно некаква попреченост, а истовремено е обезбедена и поддршка на нивните семејства преку едукација за работа и продолжување на техниките на работење во домашни услови. Со децата и семејствата работи мултидисциплинарен тим составен од стручни лица, специјален едукатор и рехабилитатор, логопед, физиотерапевт, психолог психотерапевт и негувател, кои активно ги вклучуваат и родителите во терапевтските интервенции.
„Го исполнуваме ветувањето дадено пред родителите. Раната интервенција овозможува стимулирање на развојот на децата преку реализација на активности за развој на вештини, а директната вклученост на родителите придонесува за промовирање позитивни социјални и емоционални интеракции меѓу родителите и децата. Со ова го подобруваме квалитетот на живот на овие деца и на нивните семејства, но и ја зголемуваме нивната партиципација во заедницата, што позитивно влијае на унапредување на квалитетот на животот во градот. Град Скопје во изминатиот период покажа дека локалната самоуправа навистина може многу да придонесе во социјалната сфера за доброто на нашите сограѓани. Сите центри за поддршка на лица со попречености добија зголемување на финансиската поддршка од Градот за што повеќе корисници да може да ги користат услугите бесплатно“, рече денеска Шилегов.
Тој додаде дека Град Скопје првпат воведе и стипендирање средношколци со попречености и избира првенец на генерација во средните училишта на Градот меѓу учениците со попречености. Дополнително, се овозможуваат бесплатни услуги од образовни асистенти, помагатели во домашни услови и персонални асистенти, како и медицинска нега во домашни услови.
„Ги прифаќаме различностите и затоа одговараме на потребите на сите наши сограѓани без исклучок. Скопје е град за сите и затоа бескомпромисно ќе се бориме да го олесниме и подобриме секојдневието на секој сограѓанин кому му е неопходна нашата помош“, рече Шилегов.
По повод Европскиот ден на логопедијата, во посета на Центарот за ран детски развој денеска беше и заменик-министерката за труд и социјална политика, Санела Шкријељ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити: Коцкањето во последните години стана рак на општеството
Вицепремиерот на Владата Изет Меџити на прес-конференција за првите 100 од новата Влада се фокусираше на борбата против коцкатањето како една од главните точки што ја ветија како предизборно ветување.
Според него, коцкањето во последните години стана рак на општеството каде илјадници наши сограѓани претрпеле финансиски, семејни, морални и економски штети.
„Илјадници наши луѓе заминаа и побегнаа во странство. Претходната власт го донесе коцкањето на секоја улица, секое маало, пред секое училиште и пред секое игралиште. На крајот, тие сакаа да го донесат на телефоните и компјутерите на нашите деца. Го прекинавме ова. Им ги укинавме незаконските лиценци на три интернет коцкарски компании. Ги отстранивме од веб-страниците кои легално или незаконски организираа коцкање. Исполнивме ветување кое никој не мислеше дека ќе го исполниме“, рече Меџити.
Македонија
Таравари потврди дека била одбиена хоспитализација на починатото бебе
Министерот за здравство Арбен Таравари денеска потврди дека била одбиена хоспитализација на бебето кое вчера почина на Детската клиника. Тој е запознаен со случајот, но детални информации очекува од Комисијата за стручен надзор која утре ќе ги истражува двете клиники каде што било лекувано бебето. Како што напомена Таравари, кој и да е виновен, ќе мора да сноси одговорност.
„Вратено било, за жал. Дали поради лекарска грешка или незнаење треба да се констатира. Дефинитивно треба да има одговорност. Меѓутоа не очекувајте од мене уште денес да судам како било. Дозволете компетентните органи да испитаат се во детали. На крајот некој мора да сноси одговорност кога има вакви трагични случаи. Дојдени биле двајца анестезиолози вечерта кога починало детето, имало обид да се интубира, но со ниска сатурација и аритмија било проблем“, изјави министерот пред почетокот на 2. конференција на Женското собрание на Алијансата за Албанците.
Таравари тврди дека сите што биле на смена кога починало бебето се стручни лица. Истакна и дека наследиле здравствен систем во кој се случуваат вакви работи, како и дека не можат преку ноќ да го средат тоа.
На Клиниката за детски болести вчера почина 14-месечно бебе. Министерството за здравство соопшти дека ќе иницира комисија за стручен надзор на Универзитетската клиника за респираторни заболувања кај децата во Козле и на Клиниката за детски болести за да се утврдат причините за смртта.
Македонија
Тошковски: Лага е дека сум расчистил само еден случај како министер и сум разочаран од некрофилските обиди на СДСМ
„Разочаран сум од некрофилските обиди на СДСМ за манипулација на народот со обвинување за наводната неспособност на МВР во овие 100 дена и сметам дека се само очаен обид да го свртат вниманието од седумгодишниот хаос и уништувањето на безбедносниот систем што тие го оставија зад себе. Тврдењето дека за време на моето раководење со МВР е расчистен само еден случај е целосно лажно и манипулативно, со цел да се дезинформираат граѓаните. Според официјалните бројки на МВР, во 2023 година имало 23 убиства од кои 2 нерасветлени, додека во 2024 година до месец октомври има 16 убиства, од кои исто така само два се нерасветлени“, наведува министерот за внатрешни работи Панче Тошковски на својот фејсбук профил.
Според Тошковски, овие податоци покажуваат дека ситуацијата не само што не е влошена, туку е и подобрена од аспект на намалување на бројот на убиства
-Но, сите знаеме каков хаос се случуваше во изминатите 7 години каде скандалите се редеа еден по друг. Нивните владеачки структури дозволија криминалците да владеат на улиците, да пукаат во трговски центри, да тероризираат граѓани и да ја претворат полицијата во извршител на нивните интереси. Пукањата во “Ист Гејт”, каде криминалци пукаа сред бел ден, мафијашките убиства во “Шиша Бар” и Бутел, двојното убиства во Топанско Поле, бегствата на затвореници – сето тоа не се случи во овие 100 дена. Овие настани чии извршители ден денес се непознати, се резултат на долгогодишното уништување на системот, кој тие го претворија во механизам што им овозможуваше на криминалните структури да дејствуваат слободно. За време на нивната власт, која сега се осмелува да зборува за неспособност, пасоши се делеа на меѓународни криминалци – 215 нарко босови и лица со меѓународни потерници добија македонски документи и се движеа слободно низ Европа, истакнува министерот.
Граѓаните, додава, многу добро знаат кој дозволи бандити да се пресметуваат по улиците на Скопје и кој стоеше зад најголемите скандали со кражба на оружје од полициските депоа и организирани напади врз полициски службеници во станиците.
-Наместо да се справат со организираниот криминал, тие соработуваа со него, оставајќи ги институциите немоќни да ги заштитат граѓаните. Да не заборавиме и дека токму во нивно време се случија корупциските афери како “Рекет”, каде највисоките државни функционери беа замешани во изнуда и злоупотреба на моќ. Пукањата и убиствата што денес ги гледаме се наследство од нивното владеење, кое дозволи полицијата да биде контролирана од криминалци, додека народот беше оставен незаштитен. Ние најавивме бескомпромисна борба со овие криминални структури, почнавме да го обновуваме системот и да ја враќаме контролата врз безбедноста и правдата, но не може веднаш да се реши она што беше систематски уништувано седум години. Воведовме засилени мерки и акциски контроли, но за целосна победа над криминалот е потребна стратешка и долгорочна акција. Ова е процес што нема да се случи преку ноќ, но ние сме решени да ги вратиме безбедноста, правдата и редот во земјата, за разлика од нив, кои дозволија криминалците да го контролираат секој аспект од нашето општество, пишува Тошковски.