Црна хроника
Поранешен германски репрезентативец загинал во сириската војна
Поранешниот младински репрезентативец на Германија, Бурак Каран, загинал на страната на бунтовниците во сириската војна. Каран, во кариерата, која ја завршил во 2008 година играл за екипите на Баер Леверкузен, Херта, Хановер и Алеманија Ахен.
Каран, кој има турско потекло, во октомври се појавил на снимка на „You Tube“ од Сирија, а „Bild“, во понеделникот пренесе дека тој загинал во сириската војна, во воздушен напад на владините трупи.Каран, бил член на германските репрезентации до 15, 16 и 17 години, а меѓудругите соиграчи му биле Сами Кедира, Кевин-Принс Боатенг и Денис Аого. Кариерата ја завршил на 21-годишна возраст, откако и се приклучил на радикална исламистичка група. „Ми кажа дека не го интересираат кариерата и парите. Цело време на интернет бараше снимки од областите каде се војува и бараше начин како да им помогне и им испраќаше помош на браќата и сестрите“, ја пренесува „Bild“ изјавата на неговиот брат Мухамед. Бурук Каран загинал во селото Азиз на границата помеѓу Сирија и Турција. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.