Европа
Берлин и Париз го оценија како „конструктивен“ состанокот во Москва
Средбата на германската канцеларка Ангела Меркел и францускиот претседател Франсоа Оланд во Москва со рускиот претседател Владимир Путин беше „конструктивна и темелна“, изјави ноќта кон саботата портпаролот на германската влада Штефан Зајберт, додека од Елисејската палата оценија дека состанокот бил „суштински“.
„По разговорите од претходната ноќ, коишто сојузната канцеларка Ангела Меркел и францускиот претседател Франсоа Оланд ги имаа во Киев, денеска се одржа конструктивна и темелна размена на мислења со рускиот претседател Владимир Путин“, изјави портпаролот на германската влада Штефан Зајберт, пренесе агенцијата DPA
„Врз основа на предлогот на канцеларката и францускиот претседател, сега ќе треба да се работи над можниот заеднички документ за спроведување на договорите од Минск. Таму се внесени предлозите на украинскиот и на рускиот претседател. Работата на овој документ ќе продолжи. Во недела, ќе се одржи телефонска конференција во таканаречениот ‘нормандски формат’ (Германија, Франција, Украина и Русија, според средбата на челниците на четирите земји во јуни 2014-та на одбележувањето од 70-годишнината од сојузничкото истоварување во Нормандија во Втората светска војна) по оваа тема“, додаде Зајберт.
Разговорите во Кремљ беа „конструктивни и суштински“, изјавиле за AFP извори блиски до францускиот претседател Франсоа Оланд. „Во моментов во тек е усогласувањето на текстот на можниот заеднички документ кој ќе овозможи остварување на одредбите од договорот во Минск“, додале соговорниците на агенцијата.
Таканаречениот Мински протокол од 12 точки, кој го потпишаа претставниците на Киев, од една, и на побунетите рускојазични региони Луганск и Донецк, од друга страна, со посредство на Организацијата за безбедност и соработка во Европа (ОБСЕ) и Русија, потпишан на 5-ти септември, меѓу другото предвидуваше прекин на огнот, повлекување на тешкото вооружување од линијата на раздвојување на 30 километри, во длабочина, размена на заробениците по принципот „сите за сите“, како и голем број политички договори со обврската Украина да донесе закон за специјалниот статус за областите во Донецк, што беше подоцна и сторено.
Претходно ноќта кон саботата, по завршувањето на петчасовните разговори во Кремљ, Дмитриј Песков портпаролот на рускиот претседател, за новинарите изјави дека резултатите од состаноците ќе бидат оценети во недела во телефонски конференциски разговор меѓу четворицата челници.
„Врз основа на предлозите дадени од страна на францускиот претседател и германската канцеларка, во моментов се заеднички се работи на подготовка на текстот за можниот заеднички документ за спроведување на договорите од Минск, документ кој ќе ги вклучува предлогот на Украина и предлозите изнесени денеска и на рускиот претседател Путин“, изјави Песков, пренесе агенцијата ТАСС.
Портпаролот на Кремљ рече дека тоа е направено „со цел тој текст и овие предлози да бидат претставени за одобрување на сите страни во конфликтот“, како и дека прелиминарните резултати ќе бидат објавени во недела во телефонскиот разговор на четворицата челници.
И Песков разговорите коишто траеја повеќе пет часа зад затворени врати со само неколку минути пауза за кафе и фотографии и снимки за медиумите, ги оцени како „конструктивни, значајни и суштински“.
Разговорите во Кремљ ги следеа стотици руски и странски новинари, кои имаа желба „од прва рака“ да дознаат за деталите од разговорот меѓу тројцата челници. Сепак, како што пренесуваат агенциите, сите тие имаа можност само две минути да ја слушнат изјавата на портпаролот на Путин, кој притоа откажал да одговара на новинарски прашања.
Оланд и Меркел во петокот доцна попладнето допатуваа во Москва откако претходно во четвртокот вечерта во Киев имаа, исто така, петчасовни разговори со украинскиот претседател Петро Порошенко. Иако пред средбата беше најавена заедничка изјава на тројцата лидери, таква не беше издадена.
Пред патувањето во Москва, Оланд рече дека со Меркел во руската престолнина одат со одредени предлози за решавање на украинската криза, но нивната суштина, исто така, не беше обелоденета. Според сознанијата на британските медиуми, во основа на тој план се ревидираните предлози кои претходно на европските челници им ги претстави рускиот претседател Путин.
Во петокот британскиот магазин Times, повикувајќи се на западни дипломати, пишуваше дека во основа на планираните преговори за решавање на конфликтот во Украина ќе бидат врз основа на иницијативата на Владимир Путин. „Двајцата европски лидери ја носат преработената верзијана деветте точки од мировните предлози од рускиот челник“, беше наведено во написот.
Германскиот магазин Bild пишуваше дека самиот факт што средбата се одржува во Москва, зборува за тоа дека Владимир Путин победил. Весникот посвети внимание на изјавата дадена по средбата во Киев, од портпаролот на германската влада Штефан Зајберт кој меѓу другото рече дека „Сите сакаат мир и тргнуваат од тоа дека Русија, исто така, го посакува“.
Bild, исто така, ја цитираше изјавата на германската министерка за одбрана на Урсула фон дер Лејен, која смета дека решавањето на ситуацијата во Украина нема да биде означено „како брз продор“. „Решавањето на оваа тешка криза нема да биде достигнато со лесно решение“, убедена е челничката на германската одбрана.
Аналитичарот на влијателниот француски магазин L’Obs ја нарече „историска“ иницијативата на Оланд и Меркел. Цитирајќи високи извори блиски до францускиот претседател, авторот сугерира дека мировниот план на европските челници е обид да се пресретне иницијативата на САД кои се обидуваат „да му ја наметнат на целиот Запад својата одлука за доставување смртоносно оружје на Украина“. „Париз и Берлин не сакаат да ја прифатат оваа американска одлука, којашто ја сметаат за премногу ризична“, вели аналитичарот на неделникот./крај/мф/сн
Извор: (TАСС)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шефот на британската дипломатија: Украина има право да го користи нашето оружје во Русија
Британскиот министер за надворешни работи Дејвид Камерон денеска вети три милијарди фунти (3,74 милијарди долари) годишна воена помош за Украина „колку што е потребно“ и додаде дека Лондон нема ништо против оружјето да се користи во Русија.
„Ќе даваме три милијарди фунти секоја година онолку колку што е потребно. Штотуку навистина исцрпивме се што можеме во однос на давање опрема“, изјави тој за Ројтерс во интервју за време на посетата на Киев, додавајќи дека пакетот помош е најголемиот од ОК до сега.
„Дел од таа (опрема) пристигнува во Украина денеска, додека јас сум тука“, рече тој.
Камерон рече дека Украина има право да користи оружје доставено од Лондон за да нападне цели во Русија и дека тоа зависи од Киев.
„Украина го има тоа право. Исто како што Русија напаѓа внатре во Украина, сосема е разбирливо зошто Украина чувствува потреба да се осигура дека е способна да се одбрани“, изјави Камерон за Ројтерс.
Камерон, кој го предводеше Обединетото Кралство од 2010 до 2016 година како премиер и се врати на политичкиот фронт пред само неколку месеци, се состана со украинскиот министер за надворешни работи Дмитро Кулебa и претседателот Володимир Зеленски во неговата втора посета на Киев како министер за надворешни работи.
Европа
Украински разузнавач: На крајот ќе мора да преговараме со Русија
Украина ќе мора да стапи во преговори со Русија во одреден момент за да стави крај на нивната повеќе од двегодишна војна, изјави висок украински разузнавач во интервју објавено во четвртокот.
Украинскиот претседател Володимир Зеленски ги отфрли разговорите со Кремљ, а декретот што го издаде откако Русија официјално анектираше четири украински региони во 2022 година, ги оцени преговорите за „невозможни“.
Генерал-мајор Вадим Скибицки, заменик-шеф на украинската воена разузнавачка агенција ХУР, сепак, изјави за магазинот Економист дека разговорите на крајот ќе бидат неопходни, како што би било случај со секоја војна.
„Генералот Скибицки вели дека не гледа начин Украина сама да ја добие војната на бојното поле. Дури и ако успее да ги потисне руските сили назад до границите – што е сè подалечна перспектива – тоа нема да ја заврши војната“, пишува Економист.
„Таквите војни можат да завршат само со договори“, вели тој. Во моментов и двете страни се борат за најповолна позиција пред потенцијалните преговори. Но, значајните преговори може да започнат најрано во втората половина на 2025 година, шпекулира тој.
Зеленски и други официјални лица рекоа дека Русија не е поканета на „мировниот самит“ планиран за Швајцарија во јуни, бидејќи нема гаранција дека Москва ќе разговара со добра волја.
Министерот за надворешни работи, Дмитро Кулеба, се појави да го повтори размислувањето на Скибицки во одделно интервју за магазинот Форин полиси оваа недела, велејќи дека јунскиот самит имал за цел „да ги обедини земјите кои споделуваат принципи и пристапи врз кои ќе градат понатамошни активности“.
„Потоа може да има комуникација со Русија и Русија може да биде дел од разговорот. Затоа што сте во право: на крајот, не можете да ја завршите војната без двете страни“.
Рускиот претседател Владимир Путин и други високи функционери велат дека Украина го блокира секој обид за решение.
Портпаролот на Кремљ, Дмитриј Песков, во четвртокот изјави дека средбата во јуни не може да биде „сериозна конференција со сериозни очекувања за некаков резултат“ без присуство на Русија.
Во своето видео обраќање доцна во четвртокот, Зеленски ја опиша средбата во јуни како „практично првата вистинска можност да се започне повторно воспоставување праведен мир“.
„Сите наши позиции, на бојното поле, во дипломатијата и во информатичката сфера, сега мора да бидат подеднакво силни“, рече тој. „Нашата сила, нашите способности, нашите оружја, единството со партнерите – сето тоа мора да работи заедно. И ќе функционира“.
Европа
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот во регионот Суми.
Според извештаите, операторите во украинската единица забележале руски противвоздушен ракетен систем Бук-М1 додека изведувале борбени операции на фронтот.
Операторите потоа користеле нападни беспилотни летала за да ја нападнат целта. Русите неуспешно се обиделе да го изгаснат пожарот и да ја спасат својата опрема, тврдат Украинците. Тие споделија и видео на кое се гледа експлозијата и последователниот пожар.
Украинците наведуваат дека лансерот со шест проектили бил уништен со прецизен удар. Инаку, Украинците во вторникот пријавија и уништување на два Бука на истиот дел од бојното поле.