Црна хроника
Вработени на „Александар Велики“ краделе накит од багажот на патниците
Вработени на скопскиот аеродром „Александар Велики“ краделе златен накит од багажот на патниците, при што заработиле 410.000 денари.
Скопската полиција поднесе кривична пријава против А.В.(54), Б.Т.(40), С.С.(47), ракувачи на аеродромска опрема и И.Ф.(40) обезбедувач, вработени во ТАВ – Аеродром „Александар Велики“, осомничени за две тешки кражби.
Од страна на Истражен судија, на четворицата им е одредена мерка притвор во траење од по 30 дена.
Според информациите од полицијата, на 3-ти ноември околу 10:30 часот, на аеродромот „Александар Велики“ во авионот од летот Цирих-Скопје по неговото пристигнување на аеродромската платформа и поставувањето на елеваторот, тројцата ракувачи влегле, се качиле во карго делот на авионот со цел да го истоварат патничкиот багаж, додека обезбедувачот останал кај елеваторот да ги набљудува како ја извршуваат нивната работна задача.
Притоа, А.В. забележал црвен куфер, го отворил и забележал бел платнен несесер. Го отворил патентот од несесерот и од него извлекол златен накит: златен ќустек од еден метар, златен плетен ланец од 64 см, три дебели златни алки и златна петтолирка, сопственост на Д.М.(1990) од Швајцарија, притоа стекнувајќи се со противправна имотна корист од 360.000 денари.
Првопријавениот А.В. украденото злато го ставил во неговата работна јакна која после истоварањето на патничкиот багаж од авионот ја оставил во нивната работна просторија, а по завршувањето на работното време успеал украденото злато да го изнесе и надвор од просториите на аеродромот.
Истиот ден, во периодот од 11:00 до 12:00 часот во авионот на летот Скопје-Цирих, по приемот на чекираниот багаж, при транспортирање во карго делот од авионот, Б.Т. отворил куфер, сопственост на Б.Ч.(1990) од Швајцарија и од него земал златно ланче, златна алка, два пара златни обетки и златен прстен, додека другите двајца во карго делот го ределе багажот, а обезбедувачот стоел кај елеваторот набљудувајќи ги како ја извршуваат нивната работна задача. Со тоа се стекнале со имотна корист од 50.000 денари.
По приемот на багажот од авионскиот лет Цирих-Скопје, Д.М. откако видела дека во еден дел нејзиниот куфер е отворен, пријавила на службите за обезбедување во аеродромот, поради што по завршувањето на утоварот на багажот во карго делот на авионот за авионскиот лет Скопје-Цирих, горепријавените биле повикани да поминат низ ренген контролата за службен дел. Истите прво ги оставиле нивните службени лични јакни да поминат низ ренген контролата, а потоа и тие, каде од страна од одговорниот на ренген контролата е забележан златен накит во јакната на Б.Т.
Првопријавениот А.В. на кого работното време му било истечено и веќе заминал дома и бил телефонски повикан веднаш да дојде на работа. Од страна на обезбедувањето на аеродромот веднаш се повикани полициски службеници при што пријавените биле однесени во полициска станица и од Б.Т. со потврда биле одземени се наведените златни предмети. Кај А.В. биле пронајдени златен ќустек, златен плетен ланец и три плетени златни алки, кои претходно успеал да ги изнесе од аеродромот и да ги сокрие дома, и истите со потврда му се одземени и вратени на оштетената.
Врз основа на судска наредба од дежурен истражен судија при Основен суд Скопје 1, од одговорното лице на службата за видео надзор при аеродромот со Потврда е одземено ЦД од видео надзор од ренген контролата за 3-ти ноември во периодот од 11:23 до 11:28 часот.
Четворицата осомничени се приведени во полиција каде од извршените разговори со нив е дознаено за начинот и местото на извршување на кривичните дела исто така е дојдено до сознание дека во повеќе наврати краделе златни предмети од патничкиот багаж, украдениот златен накит го продавале на златари, а парите ги делеле помеѓу себе. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Претреси во Охрид поради фотографирање избирачки список и гласачки ливчиња
Вчера, по претходно добиени оперативни податоци за фотографирање на избирачки список и гласачки ливчиња на првиот круг од претседателските избори одржан на 24.04.2024, од судија на претходна постапка обезебедена е наредба за претрес во дом и помошни простории кај М.М.(51) од Охрид и Т.Ц.Т (44) од Охрид, членови на избирачки одбор предложени од политичка партија, извести МВР.
„При претресот пронајдени се два мобилни телефони, во кои се пронајдени фотографии од избирачки список со лични податоци од гласачи во избирачкиот список, фотографии од гласачки ливчиња со заокружен број, кои се испраќани од гласачи како доказ дека го дале својот глас за еден кандидат, потоа споделени во креирана група за комуникација на мобилна апликација за комуникација“, соопшти МВР.
Со двете лица извршен е разговор во полициска станица. Дополнително, во текот на денешниот ден повикани се и други лица со цел обезбедување на дополнителни доказни материјали за кривичното дело по член 149 од КЗ “злоупотреба на лични податоци” и прекршок по член 190 став 2 од Изборниот законик. По целосно документирање на случајот, ќе следуваат соодветни поднесоци, се додава во соопштението на МВР.
Црна хроника
Кривични против поранешен градоначалник на скопска општина и директорка на детска градинка
Одделот за криминалистичка полиција преземаше предистражни дејствија и во координација со СВР Скопје – Единица за економски и компјутерски криминал до ОЈО Скопје поднесе кривична пријава против М.Р., директорка на детска градинка во скопска општина и против поранешен градоначалник на една скопска општина за кривично дело „злоупотреба на службената положба и овластувањата“ од чл.353 од КЗ.
„Имено, првопријавената М. Р., како директор на детска градинка на 12.05.2021, по објавен оглас за јавна набавка на стоки – електрична опрема за детска градинка – две машини за перење на алишта, со пречекорување на своите службени овластувања, знаејќи дека максималниот износ на набавката требало да биде во вредност од 1.300.000,00 денари без ДДВ, кои средства требало да бидат обезбедени од сопствената сметка на договорниот орган, како најповолен понудувач избрала правно лице од Скопје, иако понудило цена во износ од 1.329.800,00 денари без ДДВ, за што донела и Одлука за обезбедување на дополнителни средства и изменување на одлуката за јавната набавка, со кое склучила Договор за јавна набавка на вкупен износ од 1.569.164,00 денари со вклучен ДДВ, иако од истото правно лице не била доставена банкарска гаранција со самото склучување на договорот во износ од 156.916,00 денари, кој исто така не го испочитувал рокот за достава и набавените машини и наместо за 15 дена ги доставил со задоцнување од околу 150 дена од склучувањето на договорот, по што првопријавената М.Р. со неизвршување на своите службени овластувања, наместо да го раскине склучениот договор со избраниот понудувач, да активира негативна референца во е-системот на Бирото за јавни набавки и да поведе постапка за наплата на договорената казна во износ од 81.596,00 денари, таа не го направила тоа“, извести МВР.
„Второпријавениот како градоначалник на една скопска општина со пречекорување на своите службени овластувања, иако знаел дека средствата за плаќање на машините требало да бидат обезбедени од сопствената сметка на градинката, извршил промена со проширување на буџетот на општината во делот дотации во износ од 1.534.000,00 денари, и истите на 29.11.2021 ги префрлил на сметката на градинката, кои парични средства од страна на првопријаваната М.Р. истиот ден биле платени кон избраниот понудувач, додека на 22.12.2021 година извршила плаќање на средства во износ од 35.164,00 денари од сопствената сметка на градинката, на кој начин првопријаваната и второпријавениот го оштетиле буџетот на општината за износ од 1.534.000,00 денари, додека првопријавената го оштетила буџетот на градинката во износ од 273.676,00 денари како ненаплатена банкарска гаранција и договорена казна и исплатените парични средства од сопствената сметка, на кој начин му овозможиле на правното лице од Скопје да се стекне со противправна имотна корист во износ од 1.807.676,00 денари“, соопшти МВР.
Црна хроника
Во Сопиште пронајден скопјанец пријавен дека се оддалечил од здравствена установа во Карпош
Вчера во 17.05 часот во СВР Скопје било пријавено дека на подрачјето на село Сопиште, полициски службеници од Полициската станица Кисела Вода го пронашле 38-годишниот Ј.Т. од Скопје, извести МВР.
Лицето на 30.04.2024 било пријавено дека се оддалечило од здравствена установа на подрачјето на Карпош, додаваат од МВР.
Претреси во Охрид поради фотографирање избирачки список и гласачки ливчиња
Вчера, по претходно добиени оперативни податоци за фотографирање на избирачки список и гласачки ливчиња на првиот круг од претседателските избори...
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните...
За Бојмацалиев, полицијата е модерна и европска, Тошковски, пак, шокиран од недостоинствените услови во кои работат
Со свеченост во паркот кај авионот во скопско Ново Лисиче денес беше одбележан Денот на полицијата, 7 Мај. Техничкиот министер...
Од полноќ нови цени на горивата
Регулаторната комисија за енергетика донесе одлука со која се врши намалување на малопродажните цени на нафтените деривати во просек за...
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата. Ова се однесува на статусот што Јовановски го објави вчера, а...
Тешка сообраќајна несреќа кај Влае – има повредени, едното возило преполовено
Тешка сообраќајна несреќа се случи утрово на булеварот Партизански одреди во скопската населба Влае. Во несреќата учествуваа две возила, од...
Израел: Ја презедовме контролата на преминот Рафа, специјалните сили на терен
Израелската армија утринава соопшти дека ја презела оперативната контрола на палестинската страна на јужниот граничен премин Рафа во Газа, кој...
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во...
Акредитирани 1.078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски...
Доаѓа нестабилно време со пороен дожд и грмежи
Во попладневните часови ќе има изолирана појава на нестабилност со краткотраен пороен дожд и појава на грмежи. Потоа од среда...
МВР: Во Чашка приведени две лица поради сомнеж за изборен поткуп – фатени се со пиштоли, списоци и пари
Денеска во 15.20 часот полициски службеници од Одделението за криминалистичка полиција при СВР Велес го приведоа И.И.(52) од село Мелница,...
Од полноќ почнува изборниот молк
На полноќ почнува изборниот молк пред парламентарните и вториот круг од претседателските избори, кои ќе се одржат в среда. Изборниот...
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит...
Избоден малолетник во Куманово, пренесен е болница
Малолетно момче било избодено синоќа во Куманово. Од МВР велат дека момчето се здобило со повреди и било пренесено во...
Италија: Лани лично го предупредивме Зеленски, контраофанзивата беше грешка
Италијанскиот министер за одбрана изјави денеска дека економските санкции наметнати на Русија не успеале и го повика Западот да направи...
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството...
Возач загина во сообраќајка на експресниот пат Штип-Кочани, повредени жена и две деца
Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа...
Битиќи на велигденски јајца кај Спасовски кој му посака здравје низ целата година
Вицепремиерот Фатмир Битиќи бил на гости дома кај екс министерот за внатрешни работи, Оливер Спасовски по повод празникот Велигден. „На...
Мојсоска: Усеини од ДУИ доби 500 000 евра од ДПМНЕ во Охрид
Охридската гимназија, цела година е со раскопан двор. Учениците се заложници на неспособната локална власт, предводена од ДПМНЕ. Парите на...
На полноќ настапува молк пред вториот круг од претседателските и парламентарните избори
На полноќ завршуваат кампањите за вториот круг од претседателските избори и за парламентарните. Кампањата за претседателските избори започна веднаш по...
