Политика
Заев: Институциите се полнат со партиски кадри, професионалци се исфрлени
Лидерот на СДСМ, Зоран Заев, објави во вторникот снимки во коишто наводно власта „местела“ партиски кадри во институциите и снимки, кои според него, докажуваат дека „нема држава и државни институции, сé е партија“.
„Со партиски кадри исклучиво под контрола и по одобрение на Никола Груевски ги преполниле полицијата, судството, здравството, образованието, додека професионалци и луѓе кои не мислат како власта, биле исфрлени на улица“, обвини челникот на најголемата опозициска партија.Во првиот сет снимки се слуша разговор, како што им беше претставено на новинарите, наводно меѓу министерката за внатрешни работи, Гордана Јанкулоска и Мартин Протугер, во којшто Протугер наводно открива како таткото на министерот на надворешни работи Никола Попоски, инаку директор на Цивилна и воздушна пловидба, го избркал претседателот на Синдикатот поради „непослушност“.Во друг разговор, пак, Јанкулоска и директорот на Управата за безбедност и контраразузнавање (УБК), Сашо Мијалков, наводно, разговараат дека од УБК биле тргнати сите кои покажале незадоволство.„Ништо бе тековни работи. Треба да видиме по мене уше некој комуњар да не имаме така не е…непрераспореден, да не ги заборавиме сега му е мајката…и на Љупчо му реков и од кај него да ми пратат предлози“, вели наводно Јанкулоска во разговорот.На снимките што ги објави опозицијата, според Заев, се слуша како сите државни работни места се полнат преку општинските комитети на ВМРО-ДПМНЕ, но „по налог и директна селекција на Никола Груевски“. „Груевски, замислете, не дава ни неговиот друг извршител Горан Трајковски од УЈП (Управата за јавни приходи) да процени кој може да биде вработен во УЈП. Трајковски ќе примал ургенции, а Груевски бара од Јанкулоска да исчисти терен тие ургенции да одат преку него и неговите луѓе“ вели Заев.Во еден од разговорите се слуша како Груевски сака да вработи партиски кадри во Воена болница иако директорот му укажал дека таквите партиски вработувања, ќе остават одделенија без лекари – специјалисти.Јанкулоска пак наводно во еден од разговорите вели дека ако треба ќе биде сменет директорот на Градската болница бидејќи не го испочитувал списокот што му го дала партијата, туку вработил „негови“ луѓе.„По мене опцијата е или да најде начин да го испочитува списокот што ние сме му го дале или да го смениме него нека влезат неговите на работа па следниот директор ќе почитува“, наведува вели Јанкулоска.„Додека афера врз афера ја тресат нелегитимната Влада на Груевски, додека сите очи на домашната и меѓународната јавност се вперени во правосудството во Македонија од коешто се бара транспарентност и непристрасност, Груевски ја продолжува дрскоста со поставување луѓе во судството и во обвинителството, а последен пример е поставувањето претседател на Судскиот совет под негова контрола“, обвинува Заев.Во наводните разговори се слуша како Јанкулоска и Мијалков договараат за шеф на скопското јавно обвинителство да биде избрана обвинителката Гордана Гешковска. Претседателот на Собранието, Трајко Вељановски, пак, според овие снимки, негодува за тоа што сегашниот претседател на судскиот совет, Бранко Ушковски, го избрале за член во Советот без ниту еден ден искуство во судството.„Абе, не да го поминав уште ќе нé тепаат, дека …како да кажам…нема ништо врска со судство го ставаме во Судски совет…“, вели наводно собранискиот спикер Вељаноски./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.