Црна хроника
Скопјанец во притвор поради трговија со хероин во центарот на градот
На 46-годишен скопјанец му е одреден 30-дневен притвор, откако од страна на СВР Скопје е пријавен дека е осомничен за извршување кривично дело „Неовластено производство и пуштање во промет наркотични дроги, психотропни супстанци и прекурсори”.
Единицата за недозволена трговија со дрога по добиеното сознание дека пријавениот идентификуван со иницијалите .БМ. во текот на мај и јуни годинава, од засега непознато лице од Скопје, набавил поголема количество хероин, коешто го препакувал за улична продажба и по преземени мерки утврдено е дека тој нарачките ги договарал по телефон, по што хероинот најчесто го продавал на локации во централното градско подрачје.
На 9-ти јуни годинава, сега притворениот во близина на Градски парк во вечерните часови,бил забележан и легитимиран од полициски службеници на Единицата за недозволена трговија со дрога и при извршен личен преглед кај него биле пронајдени осум полиетиленски паковки со хероин.
Откако бил приведен, а по наредба на судија на претходна постапка, бил извршен претрес во неговиот дом, при што биле пронајдени и одземени вкупно 15 полиетиленски паковки со наркотична дрога хероин.
По извршеното вештачење на хероинот пронајден кај Б.М., констатирано е дека нето маса од 3,39 грама хероин, истиот ја препакувал во 23 полиетиленски паковки во поединечна нето маса од 0,1 до 0,18 грама, при што една паковка, во зависност од грамажата ја продавал на зависници од Скопје за цена од 300 до 600 денари./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.