Црна хроника
Авганистанци тепале Сиријци кај Железен мост, еден прободен
Еден мигрант од Сирија е прободен со остар предмет во тепачка меѓу две групи мигранти, што се случила во четвртокот кај месноста Железен мост, соопшти Министерството за внатрешни работи.
Имено, во четвртокот на пладне, при вршење патролна служба полициските службеници на Полициската станица „Богородица“ забележале поголема група мигранти, од кои 50-тина меѓусебно се тепале, а во тепачката користеле ножеви и мачети. По преземени мерки 20 лица, авганистански државјани, кои вршеле напад над останатите мигранти почнале да бегаат во правец на граничната линија, а при претрес на теренот е пронајден еден мигрант од Сирија со убодна рана нанесена од остар предмет кој веднаш бил пренесен во Медицинскиот центар Гевгелија.По укажана лекарска помош, мигрантот заедно со уште четири лица од неговото семејство се пренесени во Прифатниот центар за азил во Скопје./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.