Спорт
Првиот тенисер инфициран со коронавирус е Бразилец, 114. на АТП
Бразилскиот тенисер, Тијаго Сејбот Вилд е првиот од „белиот спорт“ кој објави дека е позитивен на коронавирусот, а веста ја објави со порака на Твитер.
Stay safe pic.twitter.com/rshLHLOTqY
— Thiago Seyboth Wild (@thiagoswild) March 25, 2020
Овој 20-годишен тенисер вниманието на јавноста го сврте пред помалку од еден месец кога на турнирот во чилеанскиот главен град, Сантијаго ја освои својата прва АТП титула, иако настапи на покана на организаторите. Вилд во финалето беше подобар од Норвежанецот, Каспер Руд.
Бразилецот кој моментно е 114-ти на АТП листата вели дека се чувствува добро, а симптомите на COVID-19 првпат ги почувствувал пред 10 дена.
„Еј, луѓе, сакам да ве известам дека сум заразен со COVID-19, но во самоизолација сум, се грижам за себе и ги следам упатствата на лекарите. Тоа е само потсетување за сите вас да останете во домовите, со што би е грижеле за луѓето кои ги сакате и да им помогнете на сите болеста да не се шири“ – рече Сејбот Вилд.
Во Чиле се одигра последниот АТП тениски турнир пред да бидат прекинати останатите тениски натпреварувања. Сепак младиот тенисер и по овој турнир бил активен. Тој на 6.и 7. овој месец настапил на бразилската Дејвис куп репрезентација во квалификациски мечеви против Австралија, во Аделаида.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.