Европа
(Видео) Претседателот на Белорусија тврди дека вотката и сауната може да го избркаат коронавирусот
Додека повеќето земји во светот преземаат остри мерки за борба против коронавирусот, во Белорусија на луѓето им се советува да пијат вотка и да одат во сауна, пренесува „Скај њуз“.
Во текстот се истакнува дека земјата, а особено нејзиниот претседател Александар Лукашенко, не се загрижени поради епидемијата и дека фудбалските натпревари продолжуваат како во нормална ситуација.
Вирусолог года: Здесь нет вирусов никаких! Вот ты же не заметила, что они летают? И я тоже не вижу. Это холодильник, это самое лучшее здоровье! Лучше, чем спорт, особенно лед, антивирусное лекарство, самое настоящее! pic.twitter.com/GZ3opJR8vO
— Дмитрий Смирнов (@dimsmirnov175) March 28, 2020
Не се планира откажување на фудбалското првенство во Белорусија, во сила се неколку мерки на социјално дистанцирање, а на гледачите на одредени стадиони им ја мерат температурата пред да им се дозволи да влезат.
Малкумина фанови одлучиле да носат маски.
„Скај њуз“ пренесува дека и самиот Лукашенко покажал дека е обожавател на спортот, па учествувал на хокејски натпревар тврдејќи дека спортот е најдобриот лек против вирусот.
На прашањето дали нешто може да го спречи да игра хокеј, Лукашенко рекол: „Можно е, но зошто? Не разбирам. Тука нема вирус“.
#Coronavirus: #Belarus president refuses to cancel anything – and says vodka and saunas will ward off #COVID_19 https://t.co/YICW5xpNpO #AlexanderLukashenko
— Janice Dash (@Trazlersgal) March 30, 2020
Во Белорусија, со население од 9,5 милиони, досега се потврдени 94 случаи на коронавирус.
Лукашенко, кој е на власт од 1994 година, ја намалува потребата за социјално дистанцирање во една од ретките земји што презедоа малку мерки за борба против вирусот.
Во последните неколку недели тој посочи дека граѓаните на Белорусија треба да пијат 50 милилитри вотка на ден како превентивна мерка против вирусот, но не и на работа, совет што е целосно во спротивност со препораките на Светската здравствена организација, посочува „Скај њуз“.
Тој исто така тврди дека редовните посети на сауна, работата на отворено и појадок навреме се најдобрите начини да останете здрави.
Тој ги нарече строгите мерки воведени од други земји, вклучително и соседна Русија, неконтролирани и психотични.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Полските земјоделци повеќе нема да ја блокираат границата со Украина
Полските фармери го откажаа протестот на последниот блокиран граничен премин со Украина, објавија Киев и Варшава, ставајќи крај на повеќемесечната криза која ги наруши билатералните односи меѓу двете земји.
Украинскиот министер за земјоделство ја поздрави „конструктивната работа“ на Полска за укинување на блокадата, наведувајќи во соопштението дека преговорите со Варшава и индустриските здруженија не биле лесни, но „главната работа е што резултатот е постигнат“.
„За среќа, сите правци на границата со Полска се деблокирани“, изјави портпаролот на украинската гранична полиција Андриј Демченко, додавајќи дека полските фармери го ослободиле пристапот до преминот Рава-Руска.
Камиони утринава почнаа да ја минуваат границата во двата правци, рече тој.
Портпаролот на полската гранична полиција Анджеј Јузвијак изјави за Ројтерс дека Украина може да се премине „непречено“ на сите премини.
Полските земјоделци и камионџии ги блокираа граничните премини со Украина од крајот на есента минатата година во знак на протест против нелојалната конкуренција.
Како главна причина тие ја наведоа пасивноста на владата кон губење на работни места поради странските конкуренти од почетокот на војната во Украина, бидејќи камионџиите од Украина беа ослободени од обврската да имаат дозвола за преминување на полската граница.
Европа
Шпанскиот премиер останува на функцијата, нема да поднесе оставка
Шпанскиот премиер Педро Санчез денеска одлучи да остане на функцијата што ја извршува од летото 2018 година, иако претходно овој месец судија во Мадрид отвори истрага против неговата сопруга за можна корупција.
„Решив да продолжам, со уште посилна сила на чело на владата“, рече Санчез во говорот од владината зграда.
Санчез, лидер на шпанската социјалистичка работничка партија (ПСОЕ), во средата ги суспендираше сите должности за да „размисли“ пет дена дали вреди да остане на функцијата поради „лажни обвинувања“ и „напади врз неговата сопруга“.
Европа
Путин ги откажа парадите на 9 мај: „Стравот од украински напад е посилен од традицијата“
Рускиот претседател Владимир Путин беше принуден да ја откаже годишната руска триумфална парада на Денот на победата на 9 мај поради страв од напади со беспилотни летала со украински камикази, пишува „Сан“, додека руските медиуми јавуваат дека маршот на Бесмртниот полк и другите настани планирани за тој ден се намалени на многу поскромно ниво „од безбедносни причини“.
Путин наводно ги откажал повеќето од прославите на 9 мај – најсветиот ден во рускиот календар – затоа што не можел да ја гарантира безбедноста на своите граѓани.
Патриотски воени паради се одржуваат низ Русија како начин на славење на победата над нацистичка Германија во Втората светска војна.
Вообичаено, овие настани се користат за Путин да ја покаже моќта на руската воена машина и да генерира национална гордост – водејќи огромна парада на Црвениот плоштад во Москва.
Овој дел ќе се одржи под зголемено обезбедување – под надзор на Путин – но многу од воените паради во регионот се откажани заедно со придружниот огномет.
Областите на Белгород, Брјанск, Псков, Рјазан, Курск и Саратов ги откажаа своите настани, иако не се сите блиску до Украина.
Денот на победата беше откажан и во окупираните региони на Украина, вклучувајќи ги Запорожје и Севастопол на Крим, исто така поради „безбедносни причини“.
Пред руската инвазија на Украина, денот вклучуваше тенкови, нуклеарни проектили и друго масивно оружје што минуваше низ главниот град додека авионите летаа на небото.
Низ Русија, стотици маршеви на Бесмртниот полк – каде луѓето носат фотографии од нивните воени ветерани – исто така се откажани поради безбедносни причини.
Еден од стравувањата е дека овие настани би можеле да бидат преземени од антивоени демонстранти.
Огнометот беше откажан во некои други региони, како што е Сиктивкар, а откажани се концерти во Воронеж.
Во Ростов и Воронеж некои паради се откажани, додека други може да се одржат без публика.
Се очекуваат повеќе откажувања.
Минатата година, Денот на победата беше откажан ширум Русија со намален настан во Москва, каде речиси и да немаше изложена тешка воена опрема.
По две години војна во Украина, кружеа гласини дека парадите се откажани поради недостиг на тенкови за учество на парадите.
Дури и тогаш, локалните гувернери наведоа „безбедносни причини“.