Црногорскиот претседател Филип Вујановиќ оценил дека „системот на власт“ во Црна Гора не функционира, илустрирајќи го ова со примерот на неодаменшното неусвојување на владините предлози во парламентот за издадавањето на атрактивни локации на приморјето под закуп.

„Црна Гора покажа неодговорност и им испрати лоша порака на инвеститорите со неусвојувањето на предлогот за инвестициите за Мамула и Краљичина плажа“, рекол Вујановиќ, оценувајќи дека неусвојувањето на владините предлози во собранието е показател дкеа системот на власт во Црна Гора не функционира.

Собранието на Црна Гора во петокот го одби владиниот предлог договор за „Краљичина плажа“, кој предвидува изградба на апартмани, како и издавање под закуп на островот Ластовица со тврдината Мамула.

Против овие владини предлози се изјасниле пратениците на владејачката Социјалдемократска партија на Црна Гора. Владини партнери во овие зделки требаше да бидат грчката фирма „Адриатик пропертис“ и швајцарската „Ораском“.

„Како држава, мораме да имаме сериозен и одговорен однос кон инвеститорите и инвестициите, како и еднакво сериозен и одговорен однос кон договорите кои ги потпишуваме“, рекол црногорскиот претседател.

Според него, државата не ги испочитувала договорите кои ги потпишала со инвеститорите и на тој начин го изгубила кредибилитетот. Партнерите во владината коалиција веќе подолго време имаат различни гледишта околу важни прашања, поради што извршната власт е во криза, а владата честа останува без поддршката од парламентот за своите предлози./крај/мф/бс