Спорт
Руни: Мој соиграч живее во социјален стан, намалувањето на платата ќе го „утепа“

Поранешниот англиски капитен Вејн Руни го нападна министерот за здравство на Велика Британија, Мет Хенкок кој посочи дека фудбалерите од Премиер лигата треба да добијат скратување на платата, велејќи дека еден негов соиграч од Дерби каунти живее во социјален стан со неговата мајка.
Хенкок и дел од британската јавност сметаат дека фудбалските ѕвезди мораат да прифатат барем 30 отсто помала плата, по што според британските медиуми дел од фудбалерите ветија дека ќе дадат директна помош на здравствениот систем наместо да ги богатат своите газди милијардери.
Руни, кој е легенда на Манчестер јунајтед, во интервју за „Тајмс“ вели дека е срамотен притисокот кој се прави на фудбалерите.
„Јас сум подготвен да добијам намалување на платата или директно да ги помогнам здравствените работници, но јас не сум секој фудбалер. Имам 34 години, имав долга кариера и добро заработував и можам да се откажам од нешто. Но, сите фудбалери не се такви. Зошто фудбалерите да бидат жртвени јагниња. Ова е срамота што се прави, а министерот за здравство мисли на фудбалерите. Лично, немам проблем да дадам и повеќе, но некои не смеат да си дозволат ниту 5 отсто помала плата“, вели Руни.
Тој посочи на негов млад соиграч од Дерби, кој дефинитивно не може да си дозволи помала плата.
„Имаме еден фудбалер кој живее со својата мајка во социјален стан, кој сигурно ги плаќа сметките на своето семејство. Тој е фудбалер кој се соочува со истите прилики како и обичните луѓе. Млад е и немаше време да заработи многу. Што правиме со него? 30 отсто од 2.000 фунти кои ги добива ќе го чини 600 фунти и тоа може да биде клучно. Фудбалерите имаат кратика кариера и мораат да штедат бидејќи некои на 35 години се пензионираат“, објаснува Руни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Историски резултат на Кими Антонели во Мајами

Тинејџерот Андреа Кими Антонели, ја освои пол-позицијата за спринт трката во Мајами. До најголемиот успех во кратката кариера, возачот на Мерцедес, дојде со најбрзиот круг 1:26.482 минути.
Со неполни 19 години, Антонели стана најмладиот освојувач на пол позиција во историјата на Формула 1, без разлика дали станува збор за Гран при или спринт трка.
Антонели зад себе ги остави возачите на Мекларен, Оскар Пајстри (+0.045) и Ландо Норис (+0.100).
Спринтот до Норис, од вториот ред ќе го започне актуелниот светски првак Макс Ферстапен (+0.255).
Петтото место во квалификациите му припадна на колегата на Антонели, Џорџ Расел. Зад него се возачите на Ферари, Шарл Леклер и Луис Хамилтон.
Во Топ 10 се пласираа Алекс Албон (Вилијамс), Иска Хаџар (Рејсинг Булс) и Фернандо Алонсо (Астон Мартин).
Спринт трката во Мајами се вози во сабота со почеток во 18 часот, а квалификациите за главната трка се закажани за 22. часот.
Спорт
Барселона избори „мајсторка“ против Монако

Кошаркарите на Барселона го победија Монако во „Блауграна“ со 79:72, во четвртиот натпревар од плејофот на Евролигата.
Барселона го израмни резултатот во плејоф серијата на 2:2, што значи дека „мајсторката“ во Кнежевството ќе го патникот на завршниот турнир.
Џабари Паркер ги предводеше Каталонците до победата со 22 поени и два скока, а го следеше Дарио Брисуела со 17 поени. Двоцифрен број на поени во редовите на Барселона постигна уште само Кевин Пантер 11, три скока и две асистенции.
За Монако се истакна Мајк Џејмс со 16 поени, четири скока и пет асистенции, а двоцифрен број на поени постигнаа и Алфа Дијало (3 поени, пет скока и две асистенции), Метју Стразел (10 поени и четири асистенции).
Претодно вечерва, Ефес го победи Панатинаикос по драмата во Истанбул со 85:82 и го израмни резултатот во плејоф серијата на 2:2.
Пласмна на завршниот турнир во Абуд Даби веќе изборија Олимпијакос и Фенербахче.
Спорт
(Видео) Де Брујне му донесе важна победа на Манчестер сити

Манчестер сити ќе помине најмалку два дена на третото место на табелата по 35-от одигран натпревар во Премиер лигата.
„Граѓаните“ на домашен терен славеа над Вулверхемптон со 1:0, и сега се два бода и еден натпревар пред Њукасл на третото место.
Вулверхемптон немаа среќа да го избегнат поразот. Рајан Аит Нури ја погоди стативата, а вториот обид беше блокиран од дефанзивците на Сити.
Нико О’Рајли ја имаше првата вистинска шанса за домашниот тим во 33-та минута, но Жозе Са скокна како мачка и го запре неговиот удар под пречката. Само две минути подоцна, Сити поведе.
Џереми Доку испрати одлична топка за Кевин де Брујне, кој рутински ја реши ситуацијата. Ова е еден од неговите последни, можеби и последен гол во дресот на Манчестер сити.
„Волците“ можеа да израмнат во неколку наврати. Тие ја имаа најдобрата шанса кога Матеус Куња ја погоди стативата во 57-та минута.
На крајот – 1:0 за тимот на Пеп Гвардиола, кој имаше само еден удар во рамките на голот во екот на целиот натпревар.