Црна хроника
Брзи мотори, многу загинати
Вкупно 13 лица го загубиле животот и уште 594 се здобиле со повреди во сообраќајки со мотоцикли кои се случиле минатата и оваа година, покажува статистиката на МВР.
Во првите шест месеци од годинава во сообраќајни несреќи со мотоцикли две лица починале, а 174 се здобиле со сериозни телесни повреди.
Министерството за внатрешни работи со Републичкиот совет за безбедност во сообраќајот на Македонија започна кампања за почитување на законските правила и прописи од страна на мотоциклистите.
Целта е да се подигне свеста кај мотоциклистите, особено на младите возачи дека со несовесно возење и непочитување на правилата и прописите од безбедноста на сообраќајот, можат да го загрозат својот живот и претставуваат опасност за останатите учесници во сообраќајот, велат од РСБСП.
„Оваа категорија на учесници во сообраќајот се соочува со исклучителен ризик од повеќе аспекти и токму заради тоа заслужува посебно внимание и засилено превентивно делување. Првиот аспект е ниската цена по која што во последно време може да се набават некои мотоцикли, што ги прави подостапни за поголем број на луѓе, пред се млади кои немаат доволно искуство во учество во сообраќајот. Вториот аспект е заштитата на лицата кои управуваат со мотоциклите, а кој е значително помала од онаа на возачите на патнички моторни возила.Третиот аспект е сообраќајната култура на нашите патишта која за волја на вистината треба да биде на повисоко ниво“ изјави министерката Гордана Јанкулоска.
Според РСБСП најчести неправилности кои ги прават мотоциклистите се неносењето на кацига, поминување на црвено, невнимателно и опасно возење, за да се направат важни, возење со големи брзини, пресекување на патот на другите учесници во сообраќајот, загрозување на пешаците, фризирање на мопеди.
Во последните три години загинале 34 мотоциклисти и 1709 повтредени. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тепачка во Чаир: случајот го пријавила 28-годишна девојка која била меѓу нападнатите
Девојка од скопски Чаир, во полиција пријавила дека заедно со членови од нејзиното семејство биле нападнати и истепани од неколку лица од Скопје.
Имено на 01.05.2024 во 23.00 часот во СВР Скопје, С.С.(28) од Скопје пријавила дека околу 18.30 часот во нивниот дом на подрачјето на Чаир, таа, нејзиниот татко Т.С, нејзиниот чичко Д.С., нејзинатата тетка М.А. и нејзината сестра С.С. биле физички нападнати од И.Р., Б.С.,С.С. ,О.С и И.С., сите од Скопје, кои притоа употребиле и тврд предмет.
Полицијата соопшти дека се преземат мерки за расчистување на случајот.
Црна хроника
Кривична пријава за злоупотреба на постапка за јавен повик и несовесно работење во службата
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик, извести МВР.
Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието.
Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар.Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки.
На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола, соопшти МВР.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.